Fótbolti

Moise Kean skaut PSG á toppinn

Arnar Geir Halldórsson skrifar
Moise Kean hefur verið iðinn við markaskorun hjá PSG.
Moise Kean hefur verið iðinn við markaskorun hjá PSG. vísir/Getty

Hörð barátta er enn um efsta sæti frönsku úrvalsdeildarinnar í fótbolta en ríkjandi meistarar PSG endurheimtu toppsætið af Lille með 2-1 sigri á Nice í dag.

Brasilíska ofurstjarnan Neymar lék ekki með PSG í dag vegna meiðsla en það var Julian Draxler sem kom PSG í forystu eftir 22.mínútna leik.

Rony Lopes jafnaði metin fyrir Nice í upphafi síðari hálfleiks en það var lánsmaður frá Everton sem tryggði PSG sigur þar sem Moise Kean skoraði sigurmark leiksins á 77.mínútu.

PSG hefur nú jafnmörg stig og Lille en er með mun betri markatölu. Lille hins vegar á leik til góða og getur komið sér aftur á toppinn þegar liðið mætir Brest á morgun.

Franski boltinn

Mest lesið


Fleiri fréttir

Sjá meira


×

Mest lesið