Vilja myndavélar í Hamraborgina til að fæla frá dópsala

Atli Ísleifsson skrifar 12. febrúar 2021 07:45

Ástandið er sagt vera sérstaklega slæmt á bílastæðunum við Hamraborg 10-12 og svo Fannborg 4 og 6. Ja.is

Rektraraðilar fyrirtækja í Hamraborg í Kópavogi segja umfangsmikla fíkniefnasölu fara fram í á svæðinu og hafa þeir þrýst á lögreglu og bæjaryfirvöld að koma upp eftirlitsmyndavélum til að fæla fíkniefnasalana burt.

Fréttablaðið segir frá þessu þar sem meðal annars er rætt við Benjamín Magnússon arkitekt með lengi hefur rekið stofu í Hamraborginni og teiknaði meðal annars sjálfa Hamraborgina. Hafi hann átt fund með fulltrúum bæjarins fyrir fimm árum og þrýst á að eftirlitsmyndavélum yrði komið upp. Ekkert hafi þó gerst í þeim efnum.

Samráðsfundur um skipulagsmál í Hamraborg var svo haldinn á vegum Kópavogsbæjar fyrir um hálfum mánuði þar sem fundarmenn eru sagðir hafa viðrað áhyggjur sínar af glæpastarfsemi á svæðinu. Var nefnt að ástandið væri sérstaklega slæmt á bílastæðunum við Hamraborg 10-12 og svo Fannborg 4 og 6, að því er fram kemur í frétt Fréttablaðsins.

Haft er eftir upplýsingafulltrúa bæjarins að endurtekin fíkniefnaviðskipti hafi verið tilkynnt til lögreglu af fulltrúum bæjarins.

Kópavogur

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.