Vöðvabólgan reyndist vera heilablæðing eftir að hún vaknaði blóðug á gólfinu Eiður Þór Árnason skrifar 6. febrúar 2021 19:16 Eftir nokkurra daga þjáningar og aðra vöðvabólgugreiningu leitaði Kidda á bráðamóttökuna þann 15. janúar þegar hún vaknaði kvalin og máttfarin þriðja morguninn í röð. Vísir/samsett mynd Hin 39 ára Kidda Svarfdal vissi ekki hvaðan á sig stóð veðrið þegar hún fann allt í einu fyrir yfirþyrmandi verk í höfðinu. Eftir að hafa verið greind með slæma vöðvabólgu í kjölfarið vaknaði hún nokkrum dögum síðar blóðug á gólfinu heima hjá sér. Kom þá í ljós að heilablæðing skýrði þá miklu verki sem hún hafi þurft að þola og henni komið skjótlega í skurðaðgerð. Kidda greinir ítarlega frá þessari átakanlegu reynslu á vef sínum hún.is. Hún telur sig heppna að vera á lífi og er óendanlega þakklát fyrir að ekki fór verr. Saga hennar hefst þegar hún yfirgaf Costco í Kauptúni ásamt dóttur sinni þann 12. janúar síðastliðinn. Var send heim „Við höfðum varla yfirgefið bílaplanið þegar ég fékk yfirþyrmandi verk í höfuðið. Þetta var eins og nístandi straumur frá hálsi hægra megin og fram í augu. Ég hélt í nokkrar sekúndur að ég þyrfti að finna leið til að keyra út í kant og hringja í sjúkrabíl.“ Eftir sat versti höfuðverkur sem Kidda hafði nokkurn tímann upplifað og leitaði hún fljótlega til læknis sem greindi hana með slæma vöðvabólgu. Að sögn Kiddu slógu verkjalyfin sem hún fékk ávísað ekki á verkina og fór líðan hennar versnandi. Eftir nokkurra daga þjáningar og aðra vöðvabólgugreiningu leitaði Kidda á bráðamóttökuna þann 15. janúar þegar hún vaknaði kvalin og máttfarin þriðja morguninn í röð. „Að lokum komst ég inn og fékk að tala við lækni. Hún var ekki á því að neitt væri hægt að gera og ég brotnaði niður. Sagði henni að ég gæti ekki verið svona og mér liði svo skelfilega. Á endanum fékk hún lærlinginn sinn til að sprauta einhverju vöðvaslakandi í öxlina á mér og ég var send heim,“ segir Kidda á vef sínum. Að því loknu hafi hún horft á kvikmynd með eiginmanni sínum og farið seint í rúmið eftir að hafa tekið inn síðustu verkjatöfluna þann daginn. Vaknaði blóðug í framan og máttvana „Næsta sem ég man er að ég vakna á gólfinu fyrir neðan stigann heima hjá mér. Sársaukinn í höfðinu var óbærilegur. Ég staulast einhvern veginn á fætur og nudda á mér andlitið. Hendurnar á mér urðu blautar og einhvern veginn klístraðar og þegar ég lít á hendurnar eru þær allar í blóði. Gólfið þar sem ég lá líka. Ég er gjörsamlega máttvana og staulast inn á bað og næ mér í handklæði sem ég set á höfuðið á mér. Ég man eftir að sjá mig hálfafskræmda í framan af blóði og bólgu á enninu.“ Kidda lýsir því hvernig hún hafi ekki getað staðið í fæturna og sofnað aftur þessa aðfaranótt 16. janúar. Þegar hún vaknaði á ný vakti hún eiginmann sinn og fóru þau niður á spítala þar sem ennið hennar var saumað og teknar sneiðmyndir. Í kjölfar þess taldi sérfræðingur ráðlegt að taka aðrar myndir með svokölluðu skuggaefni. „Þær myndir sýndu, svo ekki var um að villast að ég var með sprunginn æðagúl í höfðinu. Það var blæðing í höfðinu á mér. Ég fékk fréttirnar frá lækni og var auðvitað mjög brugðið við tíðindin,“ skrifar Kidda á hún.is. Í kjölfarið var ákveðið að framkvæma aðgerð á höfðinu á henni og við tók mjög erfið fimm klukkustunda bið eftir aðgerðinni. „Ég gat ekki sætt mig við að kannski myndi ég ekki vakna eftir aðgerðina. Það var jú verið að krukka í heilanum á mér sem var blæðandi og það er alltaf áhætta að fara í svæfingu og aðgerðir.“ Þakklát fyrir að vera enn á lífi Þegar Kidda vaknaði eftir aðgerðina fékk hún að vita að hún hafi gengið mjög vel. „Ég man bara eftir að augun fylltust af tárum og eina sem ég gat gert var að leggja snúrum tengda hönd mína á hans og segja „takk“. Ég var ennþá á lífi! Það var það eina sem skipti máli á þessum tíma.“ Kidda var í fimm daga á gjörgæslu eftir aðgerðina áður en hún var flutt á almenna deild og var útskrifuð af Landspítalanum þann 26. janúar síðastliðinn. Hún segist vera óendanlega þakklát fyrir að ekki hafi farið verr og færir starfsfólki á Landspítalanum sínar innilegustu þakkir. Kidda Svarfdal fjallar ítarlega um þessa erfiðu reynslu sína á vefnum hún.is og má þar lesa umfjöllunina í heild sinni. Heilbrigðismál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Halla Tómasdóttir kjörin forseti Innlent Var nálægt því að draga framboð sitt til baka Innlent Fólk hafi kosið taktískt gegn Katrínu Innlent Ríkisstjórnin á erfiða daga fyrir höndum Innlent Ávarpaði stuðningsmenn af svölunum Innlent Veit ekki hvað tekur við en byrjar á kaffibolla Innlent Eiríkur Ingi nýr handhafi mets sem enginn vill eiga Innlent Batt á sig klút til heiðurs Höllu Innlent Fyrsti karlmakinn á Bessastöðum: „Draumaútkoman varð að veruleika” Innlent Dauðþreyttur Jón eyddi átta milljónum króna Innlent Fleiri fréttir Óskar Höllu til hamingju: „Þú verður góður forseti“ Svona var ávarp nýkjörinnar Höllu Tómasdóttur Ríkisstjórnin á erfiða daga fyrir höndum Þrjár efstu með 75 prósent atkvæða Niðurstöður talningar: Kjörsókn með besta móti Fyrsti karlmakinn á Bessastöðum: „Draumaútkoman varð að veruleika” Neðstu sex fengu samanlagt rúm þrjú þúsund atkvæði Dauðþreyttur Jón eyddi átta milljónum króna Ávarpaði stuðningsmenn af svölunum Könnun Maskínu daginn fyrir kjördag staðfesti flugið á Höllu Tómasdóttur Halla Hrund með hjartað fullt af þakklæti Aukafréttatími Stöðvar 2 Var nálægt því að draga framboð sitt til baka Fólk streymir í Bláa lónið á ný og sér eldgosið vel „Sigur MBA-gráðunnar, leiðtogafræða og mannauðsstjórnunar“ Björn lagði línuna og kjósendur svöruðu kallinu Veit ekki hvað tekur við en byrjar á kaffibolla Stöðugt hraunflæði til tveggja átta Eiríkur Ingi nýr handhafi mets sem enginn vill eiga Kosningarnar gerðar upp Hópur ungmenna réðst á starfsmann veitingastaðar Batt á sig klút til heiðurs Höllu Fólk hafi kosið taktískt gegn Katrínu Augljóst að kjósendur vilja konu sem næsta forseta Segir allt stefna í að Halla Tómasdóttir verði forseti Fyrstu tölur úr Suðvesturkjördæmi: Minnsti munurinn á Höllu og Katrínu hingað til Katrín ávarpaði stuðningsmenn: „Ég sé ekki eftir þessu“ Telur fylgið hafa farið á dreifingu vegna fjölda frambjóðenda Fyrstu tölur úr Norðvesturkjördæmi: Halla Tómasdóttir efst Fyrstu tölur úr Reykjavík norður: Halla Tómasdóttir er efst Sjá meira
Kidda greinir ítarlega frá þessari átakanlegu reynslu á vef sínum hún.is. Hún telur sig heppna að vera á lífi og er óendanlega þakklát fyrir að ekki fór verr. Saga hennar hefst þegar hún yfirgaf Costco í Kauptúni ásamt dóttur sinni þann 12. janúar síðastliðinn. Var send heim „Við höfðum varla yfirgefið bílaplanið þegar ég fékk yfirþyrmandi verk í höfuðið. Þetta var eins og nístandi straumur frá hálsi hægra megin og fram í augu. Ég hélt í nokkrar sekúndur að ég þyrfti að finna leið til að keyra út í kant og hringja í sjúkrabíl.“ Eftir sat versti höfuðverkur sem Kidda hafði nokkurn tímann upplifað og leitaði hún fljótlega til læknis sem greindi hana með slæma vöðvabólgu. Að sögn Kiddu slógu verkjalyfin sem hún fékk ávísað ekki á verkina og fór líðan hennar versnandi. Eftir nokkurra daga þjáningar og aðra vöðvabólgugreiningu leitaði Kidda á bráðamóttökuna þann 15. janúar þegar hún vaknaði kvalin og máttfarin þriðja morguninn í röð. „Að lokum komst ég inn og fékk að tala við lækni. Hún var ekki á því að neitt væri hægt að gera og ég brotnaði niður. Sagði henni að ég gæti ekki verið svona og mér liði svo skelfilega. Á endanum fékk hún lærlinginn sinn til að sprauta einhverju vöðvaslakandi í öxlina á mér og ég var send heim,“ segir Kidda á vef sínum. Að því loknu hafi hún horft á kvikmynd með eiginmanni sínum og farið seint í rúmið eftir að hafa tekið inn síðustu verkjatöfluna þann daginn. Vaknaði blóðug í framan og máttvana „Næsta sem ég man er að ég vakna á gólfinu fyrir neðan stigann heima hjá mér. Sársaukinn í höfðinu var óbærilegur. Ég staulast einhvern veginn á fætur og nudda á mér andlitið. Hendurnar á mér urðu blautar og einhvern veginn klístraðar og þegar ég lít á hendurnar eru þær allar í blóði. Gólfið þar sem ég lá líka. Ég er gjörsamlega máttvana og staulast inn á bað og næ mér í handklæði sem ég set á höfuðið á mér. Ég man eftir að sjá mig hálfafskræmda í framan af blóði og bólgu á enninu.“ Kidda lýsir því hvernig hún hafi ekki getað staðið í fæturna og sofnað aftur þessa aðfaranótt 16. janúar. Þegar hún vaknaði á ný vakti hún eiginmann sinn og fóru þau niður á spítala þar sem ennið hennar var saumað og teknar sneiðmyndir. Í kjölfar þess taldi sérfræðingur ráðlegt að taka aðrar myndir með svokölluðu skuggaefni. „Þær myndir sýndu, svo ekki var um að villast að ég var með sprunginn æðagúl í höfðinu. Það var blæðing í höfðinu á mér. Ég fékk fréttirnar frá lækni og var auðvitað mjög brugðið við tíðindin,“ skrifar Kidda á hún.is. Í kjölfarið var ákveðið að framkvæma aðgerð á höfðinu á henni og við tók mjög erfið fimm klukkustunda bið eftir aðgerðinni. „Ég gat ekki sætt mig við að kannski myndi ég ekki vakna eftir aðgerðina. Það var jú verið að krukka í heilanum á mér sem var blæðandi og það er alltaf áhætta að fara í svæfingu og aðgerðir.“ Þakklát fyrir að vera enn á lífi Þegar Kidda vaknaði eftir aðgerðina fékk hún að vita að hún hafi gengið mjög vel. „Ég man bara eftir að augun fylltust af tárum og eina sem ég gat gert var að leggja snúrum tengda hönd mína á hans og segja „takk“. Ég var ennþá á lífi! Það var það eina sem skipti máli á þessum tíma.“ Kidda var í fimm daga á gjörgæslu eftir aðgerðina áður en hún var flutt á almenna deild og var útskrifuð af Landspítalanum þann 26. janúar síðastliðinn. Hún segist vera óendanlega þakklát fyrir að ekki hafi farið verr og færir starfsfólki á Landspítalanum sínar innilegustu þakkir. Kidda Svarfdal fjallar ítarlega um þessa erfiðu reynslu sína á vefnum hún.is og má þar lesa umfjöllunina í heild sinni.
Heilbrigðismál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Halla Tómasdóttir kjörin forseti Innlent Var nálægt því að draga framboð sitt til baka Innlent Fólk hafi kosið taktískt gegn Katrínu Innlent Ríkisstjórnin á erfiða daga fyrir höndum Innlent Ávarpaði stuðningsmenn af svölunum Innlent Veit ekki hvað tekur við en byrjar á kaffibolla Innlent Eiríkur Ingi nýr handhafi mets sem enginn vill eiga Innlent Batt á sig klút til heiðurs Höllu Innlent Fyrsti karlmakinn á Bessastöðum: „Draumaútkoman varð að veruleika” Innlent Dauðþreyttur Jón eyddi átta milljónum króna Innlent Fleiri fréttir Óskar Höllu til hamingju: „Þú verður góður forseti“ Svona var ávarp nýkjörinnar Höllu Tómasdóttur Ríkisstjórnin á erfiða daga fyrir höndum Þrjár efstu með 75 prósent atkvæða Niðurstöður talningar: Kjörsókn með besta móti Fyrsti karlmakinn á Bessastöðum: „Draumaútkoman varð að veruleika” Neðstu sex fengu samanlagt rúm þrjú þúsund atkvæði Dauðþreyttur Jón eyddi átta milljónum króna Ávarpaði stuðningsmenn af svölunum Könnun Maskínu daginn fyrir kjördag staðfesti flugið á Höllu Tómasdóttur Halla Hrund með hjartað fullt af þakklæti Aukafréttatími Stöðvar 2 Var nálægt því að draga framboð sitt til baka Fólk streymir í Bláa lónið á ný og sér eldgosið vel „Sigur MBA-gráðunnar, leiðtogafræða og mannauðsstjórnunar“ Björn lagði línuna og kjósendur svöruðu kallinu Veit ekki hvað tekur við en byrjar á kaffibolla Stöðugt hraunflæði til tveggja átta Eiríkur Ingi nýr handhafi mets sem enginn vill eiga Kosningarnar gerðar upp Hópur ungmenna réðst á starfsmann veitingastaðar Batt á sig klút til heiðurs Höllu Fólk hafi kosið taktískt gegn Katrínu Augljóst að kjósendur vilja konu sem næsta forseta Segir allt stefna í að Halla Tómasdóttir verði forseti Fyrstu tölur úr Suðvesturkjördæmi: Minnsti munurinn á Höllu og Katrínu hingað til Katrín ávarpaði stuðningsmenn: „Ég sé ekki eftir þessu“ Telur fylgið hafa farið á dreifingu vegna fjölda frambjóðenda Fyrstu tölur úr Norðvesturkjördæmi: Halla Tómasdóttir efst Fyrstu tölur úr Reykjavík norður: Halla Tómasdóttir er efst Sjá meira