Veiði

Veiðileyfasala komin á fullt

Karl Lúðvíksson skrifar
Veiðimenn eru á fullu þessa dagana að bóka veiðidaga fyrir komandi sumar.
Veiðimenn eru á fullu þessa dagana að bóka veiðidaga fyrir komandi sumar. Mynd: Ríkarður Hjálmarsson

Núna er sá tími genginn í garð að veiðimenn landsins eru á fullu að skoða framboð á veiðileyfum og bóka veiðidaga fyrir komandi veiðisumar.

Núna er sá tími genginn í garð að veiðimenn landsins eru á fullu að skoða framboð á veiðileyfum og bóka veiðidaga fyrir komandi veiðisumar.

Það er nú oft þannig að flestir eiga einhverja daga fastbókaða á sínum uppáhaldssvæðum en svo er það viðbótin, það er að segja þau svæði sem er kannski verið að prófa í fyrsta skipti. Við erum svo heppin að hér á landi eru veiðisvæðin gríðarlega mörg og fjölbreytt og fáum endist ævin til að prófa þau öll. 

Eins fjölbreytt og veiðisvæðin eru finna veiðimenn og veiðikonur þær áskoranir í veiði sem þeim hentar og auðvitað er hluti af þessu dásamlega veiðimannalífi að prófa eitthvað nýtt. Veiðileyfasalar eru þessa dagana komnir á skrið með að bóka sína föstu kúnna og kynna lausa daga á vefsölum og þar má margt finna. Við stiklum á þessu næstu daga og vikur og byrjum á að sjá hvað er í boði. 

Vefurinn www.veida.is er fullur af spennandi veiðileyfum og má þar nefna svæði eins og Hlíðarvatn, Brennuna, Fossá, Fremri Laxá, Gufuá. Hallá, Hvítá, Langadalsá, Mýrarkvísl, Norðurá II, Norðurá I, Reykjadalsá, Sog Alviðra, Ytri Rangá, Brúará, Straumarnir, Brunná, Hólaá, Svartá í Skagafirði og Minnivallalæk bara svo nokkur séu nefnd. Þarna má finna lausa daga, verð, upplýsingar um aðbúnað og kaupa leyfin á vefnum sem gerir það að verkum að það er hægt að stökkva á leyfi með litlum fyrirvara. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.