Hyundai i10 besti borgarbíllinn 2021 að mati What Car

Kristinn Ásgeir Gylfason skrifar 16. janúar 2021 07:00

Breski bílavefurinn What Car? hefur útnefnt nýjan Hyundai i10 besta borgarbíl ársins 2021. Þetta var tilkynnt á árlegri verðlaunahátíð What car? sem fram fór á netinu fyrr í vikunni, þar sem i10 var lofaður fyrir hagkvæmni í rekstri, góðan tæknibúnað og ekki síst þægindi þar sem i10 þykir meðal annars einkar hljóðlátur.

Meðfylgjandi er fréttatilkynning frá BL.

Flestir kusu i10

Auk fyrrnefndra kosta Hyundai i10 sögðu dómararnir einnig frá því að á undanförnum tólf mánuðum hefði i10 farið hratt upp vinsældalistann meðal lesenda What car? þegar mjög margir nefndu hann sem einn af þeim sem kæmi sterklega til greina við næstu bílakaup í skoðanakönnun meðal lesenda. Þegar upp var staðið endaði Hyundai i10 í fyrsta sæti á listanum enda sá sem flestir þátttakendur í könnuninni sögðu að yrði næst fyrir valinu.

Einn vinsælasti bíllinn í sínum flokki

Fáir bílar Hyundai hafa á undanförnum árum notið jafn mikilla vinsælda og Hyundai i10 sem hefur verði einn vinsælasti bíllinn í sínum flokki mörg undanfarin ár. Síðastliðið sumar frumsýndi Hyundai á Íslandi nýjan og endurhannaðan i10 og hefur bíllinn aldrei verið jafn vel búinn og nú á öryggis- og þægindasviði auk þess að vera sérlega hagkvæmur í rekstri. Nýr Hyundai i10 kostar frá 2.350.000 krónum hjá Hyundai á Íslandi við Kauptún í Garðabæ.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.