Viðskipti innlent

Sýn sækir liðs­auka til Icelandair, Arion banka og Bláa lónsins

Atli Ísleifsson skrifar
Erna Björk Sigurgeirsdóttir, Hákon Davíð Halldórsson, Hörður Bjarkason, Björgvin Gauti Bæringsson og Guðlaug Jökulsdóttir.
Erna Björk Sigurgeirsdóttir, Hákon Davíð Halldórsson, Hörður Bjarkason, Björgvin Gauti Bæringsson og Guðlaug Jökulsdóttir. SÝN

Sýn hefur ráðið þau Hákon Davíð Halldórsson, Björgvin Gauta Bæringsson, Ernu Björk Sigurgeirsdóttur, Guðlaugu Jökulsdóttur og Hörð Bjarkason til starfa á rekstar-, fjármála- og mannauðssviði félagsins.

Í tilkynningu frá Sýn segir að þau muni vinna að bættri upplifun viðskiptavina með einum eða öðrum hætti.

Hákon Davíð Halldórsson – forstöðumaður á rekstrarsviði

Hákon starfaði áður hjá Icelandair þar sem hann var leiðtogi í CRM málum en þar áður í 5 ár hjá Símanum þar sem hann vann að viðskiptatengslum og þjónustuþróun. Hákon bætist í öflugt stjórnunarteymi á rekstrarsviði þar sem áherslan er á umbreytingu í vöruframboði, viðskiptaferlum og viðskiptakerfum.

Björgvin Gauti Bæringsson – deildarstjóri á fjármálasviði

Björgvin kemur til Sýnar frá Bláa Lóninu þar sem hann starfaði sem forstöðumaður hagdeildar síðastliðin 3 ár. Áður var Björgvin starfandi í Kaupmannahöfn hjá Demant þar sem hann sá um stuðning við greiningar og áætlunargerð hjá ákveðnum viðskiptaeiningum þess félags.

Björgvin mun bera ábyrgð á stuðningi fjármálasviðs við viðskiptaeiningar félagsins út frá mánaðarlegum greiningum á frammistöðu og áætlunargerð hverrar einingar.

Erna Björk Sigurgeirsdóttir – deildarstjóri á fjármálasviði

Erna kemur frá Borgun þar sem hún starfaði undanfarið eitt og hálft ár. Erna leiddi vinnu við áætlunargerð Borgunar ásamt því að sjá um skýrslugerð til stjórnenda, arðsemisútreikninga, greiningar á mánaðaruppgjörum og öðrum lykilmælikvörðum þess félags. Áður en hún byrjaði hjá Borgun starfaði hún á ráðgjafasviði KPMG sem verkefnastjóri. Erna mun bera ábyrgð á áætlunar- og greiningavinnu félagsins í heild sinni á fjármálasviði.

Guðlaug Jökulsdóttir – forstöðumaður verkefnastofu

Guðlaug kemur frá Icelandair þar sem hún hafði starfað í rúmlega 7 ár. Síðustu árin starfaði hún á miðlægri verkefnastofu með áherslu á verkefni tengd stafrænni framþróun og þróun verkefnaferla. Guðlaug mun stýra uppbyggingu á faglegri framkvæmd verkefna og forgangsröðun verkefnabeiðna.

Hörður Bjarkason – verkefnastjóri fræðslu

Hörður starfaði sem sérfræðingur í fræðslumálum hjá Arion banka frá 2016 þar sem hans helstu verkefni voru innleiðing og ábyrgð á rafrænni fræðslu, gerð námskeiða og kynningar. Hörður er viðskiptafræðingur en hefur einnig talsverða reynslu af framkomu þar sem hann hefur starfað sem tónlistarmaður og skemmtikraftur samhliða hefðbundnum störfum,“ segir í tilkynningunni.

Þar er ennfremur haft eftir Heiðari Guðjónssyni, forstjóra Sýnar, að það sé ekki sjálfgefið að sækja fram í því umhverfi sem ríki í dag. Félagið sé stolt af því að efla einstakan hóp starfsfólks síns og ráðningarnar muni gera það enn betra í að þjónusta viðskiptavini.

Sýn á og rekur vörumerkin Vodafone, Stöð 2, Stöð 2 Sport, Vísi, Bylgjuna, FM957 og X977.

Vísir er í eigu Sýnar.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
BRIM
3,93
12
218.158
REGINN
2,88
14
117.420
ARION
1,94
75
2.915.480
ICEAIR
1,92
100
124.075
EIK
1,76
8
65.099

Mesta lækkun dagsins


Félag
Br.%
Fjöldi
Velta*
ICESEA
-1,03
15
35.499
VIS
-0,35
10
21.137
HAGA
0
14
275.554
Velkomin á Vísi. Þessi vefur notar vafrakökur. Sjá nánar.