Innlent

Sex greindust innan­­lands og 26 á landa­mærum

Atli Ísleifsson skrifar
Um 5.900 manns hafa nú greinst með kórónuveiruna hér á landi frá upphafi faraldursins.
Um 5.900 manns hafa nú greinst með kórónuveiruna hér á landi frá upphafi faraldursins. Vísir/Vilhelm

Sex greindust með kórónu­veiruna innan­lands í gær. Þrír þeirra sem greindust voru í sóttkví, en þrír ekki. 26 greindust á landamærum.

Þetta kemur fram í uppfærðum tölum á síðunni covid.is. Alls eru nú nítján á sjúkrahúsi vegna Covid-19 og enginn á gjörgæslu. Er um sama fjölda að ræða og í gær. 

26 greindust smitaðir á landamærum í gær – sex með virkt smit í fyrri skimun, fjórir í seinni skimun, tveir mældust með mótefni og er niðurstöðu mótefnamælingar beðið í tilvikum fjórtán.

164 manns eru nú í einangrun, samanborið við 149 í gær. Þá eru 242 í sóttkví í dag, samanborið við 320 í gær. 2.037 eru nú í skimunarsóttkví.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 18,0, en var 18,8 í gær. Nýgengi landamærasmita er nú 25,9, líkt og í gær.

Alls hafa 5.935 manns greinst með kórónuveiruna hér á landi frá því faraldurinn hófst í lok febrúar. Þá hafa 29 dauðsföll verið rakin til Covid-19 á Íslandi frá upphafi faraldursins.

Alls voru tekin 794 einkennasýni hjá sýkla- og veirufræðideild Landspítalans og Íslenskri erfðagreiningu í gær og 899 sýni á landamærunum eða í seinni landamæraskimun. Þá voru tekin 104 sýni í sóttkvíar- og handahófsskimun og sextán í annarri skimun hjá Íslenskri erfðagreiningu.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.