„Heilu vistkerfin að hverfa fyrir framan nefið á okkur“ Heimsljós 12. janúar 2021 11:58 António Guterres aðalframkvæmdastjóri Sameinuðu þjóðanna. UN/Mark Garten Aðalframkvæmdastjóri Sameinuðu þjóðanna segir fjölbreytni lífríkisins að hruni komið. Ein milljón tegunda sé í útrýmingarhættu og heilu vistkerfin að hverfa. „Ef við sveigjum ekki af leið stefnir í algjört óefni því hiti mun þá hækka um þrjár gráður á öldinni. Fjölbreytni lífríkisins er að hruni komið. Ein milljón tegunda er í útrýmingarhættu og heilu vistkerfin eru að hverfa fyrir framan nefið á okkur,” sagði António Guterres aðalframkvæmdastjóri Sameinuðu þjóðanna í ræðu á allsherjarþinginu í gær þar sem þess var minnst að 75 ár eru liðin frá fyrsta fundi allsherjarþingsins. „Loftslagsváin herjar nú þegar á okkur og viðbrögð heimsins hafa verið algjörlega óviðunandi. Undanfarinn áratugur var sá heitasti sögu mannkyns. Aldrei hefur verið meiri kolvtísýringur í andrúmsloftinu. Þetta er stríð gegn náttúrunni – stríð þar sem enginn fer með sigur af hólmi,“ sagði Guterres. Í frétt Upplýsingaskrifstofu Sameinuðu þjóðanna kemur fram að næsta Loftslagsráðstefna Sameinuðu þjóðanna (COP26) fari fram í Glasgow í nóvember á þessu ári. Guterres hefur áður sagt að kolefnisjafnvægi fyrir árið 2050 verði helsta forgangsmál samtakanna á þessu ári. Í ræðunni hvatti hann jafnframt til metnaðarfyllri aðgerða og öflugra alþjóðasamstarfs í endurreisnarstarfi í kjölfar COVID-19 faraldursins. Guterres fór í ræðu sinni yfir árangur af starfi allsherjarþingsins sem hefði meðal annars stuðlað að heilbrigði jarðarbúa, aukið læsi og bætt lífskjör, eflt mannréttindi og jafnrétti kynjanna. Hann sagði að þrátt fyrir árangurinn stæðu Sameinuðu þjóðirnar andspænis alvarlegum úrlausnarefnum. Þar á meðal væru aukin fátækt og fæðuóöryggi í kjölfar COVID-19 faraldursins. Þá væru auknar viðsjár á alþjóðavettvangi áhyggjuefni og hætta á útbreiðslu kjarnorkuvopna. Enn mætti nefna þá hættu sem fælist í tölvuárásum og villandi og röngum upplýsingum á netinu. Sækist eftir endurkjöri Í gær staðfesti António Guterres jafnframt að hann sækist eftir að gegna embætti aðalframkvæmdastjóra Sameinuðu þjóðanna annað fimm ára tímabil. Því fyrra lýkur í lok þessa árs. Guterres var forsætisráðherra Portúgals á árunum 1995 til 2002 og framkvæmdastjóri Flóttamannastofnunar Sameinuðu þjóðanna (UNHCR) á árunum 2005 til 2015. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Loftslagsmál COP26 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Fannst látinn í klefa sínum á Litla Hrauni Innlent Vinnubrögðin gátu leitt til dauða Innlent Hafi mögulega reynt að lenda á ísilögðu vatninu Innlent Nefndin aldrei heyrt aðrar eins frásagnir en lítið að gerast Innlent Halla fremst með 29,7 prósent í nýrri könnun Prósents Innlent Glórulausar framkvæmdir raski velferð íbúa hjúkrunarheimilis Innlent Hindraði mann sem ætlaði að komast úr bíl við Bónusbúð Innlent Segir viðmælendur sitja undir hótunum netaktívista Innlent Reiðir yfir ummælum Macrons og halda æfingar með kjarnorkuvopn Erlent Lík þriggja brimbrettakappa fundust í brunni í Mexíkó Erlent
„Ef við sveigjum ekki af leið stefnir í algjört óefni því hiti mun þá hækka um þrjár gráður á öldinni. Fjölbreytni lífríkisins er að hruni komið. Ein milljón tegunda er í útrýmingarhættu og heilu vistkerfin eru að hverfa fyrir framan nefið á okkur,” sagði António Guterres aðalframkvæmdastjóri Sameinuðu þjóðanna í ræðu á allsherjarþinginu í gær þar sem þess var minnst að 75 ár eru liðin frá fyrsta fundi allsherjarþingsins. „Loftslagsváin herjar nú þegar á okkur og viðbrögð heimsins hafa verið algjörlega óviðunandi. Undanfarinn áratugur var sá heitasti sögu mannkyns. Aldrei hefur verið meiri kolvtísýringur í andrúmsloftinu. Þetta er stríð gegn náttúrunni – stríð þar sem enginn fer með sigur af hólmi,“ sagði Guterres. Í frétt Upplýsingaskrifstofu Sameinuðu þjóðanna kemur fram að næsta Loftslagsráðstefna Sameinuðu þjóðanna (COP26) fari fram í Glasgow í nóvember á þessu ári. Guterres hefur áður sagt að kolefnisjafnvægi fyrir árið 2050 verði helsta forgangsmál samtakanna á þessu ári. Í ræðunni hvatti hann jafnframt til metnaðarfyllri aðgerða og öflugra alþjóðasamstarfs í endurreisnarstarfi í kjölfar COVID-19 faraldursins. Guterres fór í ræðu sinni yfir árangur af starfi allsherjarþingsins sem hefði meðal annars stuðlað að heilbrigði jarðarbúa, aukið læsi og bætt lífskjör, eflt mannréttindi og jafnrétti kynjanna. Hann sagði að þrátt fyrir árangurinn stæðu Sameinuðu þjóðirnar andspænis alvarlegum úrlausnarefnum. Þar á meðal væru aukin fátækt og fæðuóöryggi í kjölfar COVID-19 faraldursins. Þá væru auknar viðsjár á alþjóðavettvangi áhyggjuefni og hætta á útbreiðslu kjarnorkuvopna. Enn mætti nefna þá hættu sem fælist í tölvuárásum og villandi og röngum upplýsingum á netinu. Sækist eftir endurkjöri Í gær staðfesti António Guterres jafnframt að hann sækist eftir að gegna embætti aðalframkvæmdastjóra Sameinuðu þjóðanna annað fimm ára tímabil. Því fyrra lýkur í lok þessa árs. Guterres var forsætisráðherra Portúgals á árunum 1995 til 2002 og framkvæmdastjóri Flóttamannastofnunar Sameinuðu þjóðanna (UNHCR) á árunum 2005 til 2015. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Loftslagsmál COP26 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Fannst látinn í klefa sínum á Litla Hrauni Innlent Vinnubrögðin gátu leitt til dauða Innlent Hafi mögulega reynt að lenda á ísilögðu vatninu Innlent Nefndin aldrei heyrt aðrar eins frásagnir en lítið að gerast Innlent Halla fremst með 29,7 prósent í nýrri könnun Prósents Innlent Glórulausar framkvæmdir raski velferð íbúa hjúkrunarheimilis Innlent Hindraði mann sem ætlaði að komast úr bíl við Bónusbúð Innlent Segir viðmælendur sitja undir hótunum netaktívista Innlent Reiðir yfir ummælum Macrons og halda æfingar með kjarnorkuvopn Erlent Lík þriggja brimbrettakappa fundust í brunni í Mexíkó Erlent