Viðskipti innlent

Sprenging átt sér stað í innlendri netverslun

Eiður Þór Árnason skrifar
40% kortaveltu í íslenskum verslunum með heimilisbúnað fór fram í gegnum netið í nóvember.
40% kortaveltu í íslenskum verslunum með heimilisbúnað fór fram í gegnum netið í nóvember. Vísir/Sigurjón

Í nóvember jókst innlend netverslun um 353% milli ára og nam alls 7,6 milljörðum króna. Hlutfallslega var netverslun mest í raf- og heimilistækjaverslunum þar sem 41% af kaupum fóru fram í gegnum netið.

Kortavelta var nokkuð mikil í nóvember þrátt fyrir sóttvarnaraðgerðir og fjöldatakmarkanir í verslunum. Aukningin milli ára miðast við fast verðlag. Rannsóknarsetur verslunarinnar hefur birt gögn um kortaveltu innlendra verslana í nóvember og er fjallað um tölurnar í Hagsjá Landsbankans

Heilt yfir mældist í nóvember alls 24% aukning í kortaveltu í verslunum frá árinu 2019 miðað við fast verðlag. Skýrir netverslun 16 prósentustig aukningarinnar.

Netverslun skýri heildaraukningu

17% af allri kortaveltu í verslunum í nóvember fór fram í gegnum netið, sem er mikil aukning miðað við fyrri mánuði og skýrir verulegan hluta aukningarinnar í verslun í nóvember, að sögn Hagfræðideildar Landsbankans.

Í raf- og heimilistækjaverslunum hefur netverslun verið mikil, bæði sem hlutfall af heildarveltu þar, en einnig sem hlutfall af allri netverslun. Í nóvember nam kortavelta raf- og heimilistækjaverslana í gegnum netið 1,6 milljörðum króna, sem er 18% af samanlagðri kortaveltu netverslana, og 41% af kortaveltu landsmanna í raf- og heimilistækjaverslunum í nóvember líkt og áður segir.

Svartur föstudagur spilar inn í

Svipað hlutfall kortaveltunnar í verslunum með heimilisbúnað fór fram í gegnum netið í nóvember, eða 40%. Í fataverslunum var hlutfall kortaveltu í netverslunum 27% og 6% í stórmörkuðum og dagvöruverslunum. Alls staðar hafði hlutfallið í nóvember aukist miðað við fyrri mánuði.

Sífellt fyrirferðameiri afsláttardagar á borð við Svartan föstudag, Netmánudag og Dag einhleypra sem fara fram í nóvember lita þróunina. Þá virðist stórfelldur samdráttur í ferðalögum Íslendinga til útlanda á síðasta ári hafa hjálpað innlendum verslunarmönnum.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SIMINN
0,51
19
128.775
LEQ
0,41
2
2.721
SYN
0,37
6
30.688
EIM
0,34
3
15.632
EIK
0,1
9
49.972

Mesta lækkun dagsins


Félag
Br.%
Fjöldi
Velta*
ICEAIR
-1,97
63
81.019
REGINN
-1,81
16
163.933
REITIR
-1,59
17
158.966
ICESEA
-1,59
10
37.573
ARION
-1,02
45
1.159.883
Velkomin á Vísi. Þessi vefur notar vafrakökur. Sjá nánar.