Kvöldfréttir Stöðvar 2

Erla Björg Gunnarsdóttir skrifar 4. janúar 2021 18:01

Þrjú andlát eftir bólusetningu við Covid-19 hafa verið tilkynnt til Lyfjastofnunar Íslands. Karlmaður á hjúkrunarheimili lést nokkrum dögum eftir bólusetningu. Í kvöldfréttum Stöðvar 2 verður rætt við yfirlækni á Grund sem segir mikilvægt að fylgjast vel með áhrifum bólusetninga á fólkið í viðkvæmasta hópnum.

Einnig verður rætt við forstjóra Lyfjastofnunar í beinni útsendingu um þær tilkynningar um aukaverkanir sem borist hafa stofnuninni.

Í fréttatímanum fjöllum við um breska afbrigði veirunnar og hertar aðgerðir sem hafa verið boðaðar í Bretlandi. Niðurstöður könnunar um viðhorf landsmanna til fjölda ferðamanna verða kynntar og rætt við framkvæmdastjóra Samtaka ferðaþjónustunnar. Hann telur að það muni taka allt að fjögur ár að byggja upp greinina eftir kórónuveirufaraldurinn.

Að auki fylgjum við flota fimm skipa úr höfn í fréttatímanum, sem fara til víðtækrar loðnuleitar. Einnig heyrum við hljóminn í glænýju kirkjuorgeli í Keflavíkurkirkju sem tók 25 ár að safna fyrir.

Þetta og margt fleira í kvöldfréttum á samtengdum rásum Stöðvar 2, Bylgjunnar og á Vísi klukkan 18:30.

Kvöldfréttir Stöðvar 2

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.