OJ segist ekki hafa brotið lög vísvitandi

OJ Simpson, fyrrverandi leikmaður í ameríska fótboltanum og leikari, gaf í dag skýrslu fyrir rétti í Nevada í Bandaríkjunum. Þar fóru fram réttarhöld vegna kröfu hans um að mál ákæruvaldsins gegn honum frá 2008 verði tekið upp að nýju.

Simpson var sakfelldur árið 2008 fyrir vopnað rán á hóteli. Hann kveðst hins vegar ekki hafa brotið lögin vísivitandi, eftir því sem fram kemur á vef BBC.

OJ Simpson er þekktastur fyrir að hafa verið sýknaður af ákæru fyrir morðið á eiginkonu hans árið 1995. Sýknudómurinn var ákaflega umdeildur.