Rafíþróttir

Bestu spilarar landsins keppa í Valorant

Samúel Karl Ólason skrifar
IMAGE_4

Rafíþróttasamtök Íslands munu halda boðsmót í nýja fyrstu persónu skotleiknum Valorant á laugardaginn næstkomandi. Leikurinn, sem fór nýlega í lokaðar prófanir, hefur notið gífurlegra vinsælda á undanförnum vikum. Hann er gefinn út af Riot Games sem framleiðir einnig League of Legends, sem er stærsti rafíþróttaleikur í heiminum.

Valorant hefur verið beðið eftir með mikilli eftirvæntingu og gátu vongóðir spilarar átt séns á að komast inn í lokaðar prófanir leiksins með því að horfa á leikjaútsendingar á Twitch. Á fyrsta deginum fór það hæst upp í 1.700.000 manns sem voru samtímis að horfa á leikinn og reyna að fá aðgang.

Sumir af bestu spilurum landsins eru komnir með aðgang og munu þeir sýna hvað í þeim ber á laugardaginn.

Liðin sem munu keppa á mótinu verða kynnt á næstu dögum.

Valorant er eins og áður segir, fyrstu persónu skotleikur, þar sem fimm spilarar skipa hvort lið. Hver spilari velur sér útsendara sem býr yfir ákveðnum eiginleikum sem geta skapað taktíska yfirburði séu þeir notaðir rétt. Leikurinn er spilaður í hálfleikum og skiptast liðin á að sækja eða verjast á milli hálfleikja. Fyrsta liðið til að vinna 13 lotur er krýndur sigurvegari leiksins.

Þessi æsispennandi viðburður verður í beinni útsendingu á Stöð 2 Esport og á Vísi.is og má enginn áhugamaður um rafíþróttir láta þetta framhjá sér fara.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.