Rafíþróttir

Tvær mikilvægar viðureignir í LoL í kvöld

Sigtryggur Óskar Hrafnkelsson skrifar
vodafone deildin

Lenovo deildin er í fullum gangi og í kvöld verða tvær viðureignir í League of Legends. Í fyrstu viðureigninni tæklar FH eSports Turboapes United. Aparnir hafa trónað á toppnum ásamt Dusty Academy og eru nokkuð öruggir um að gulltryggja sig í undanúrslit. FH þurfa öll stig sem þeir geta fengið til að vera vissir um að eiga heima í efstu fjórum sætunum og þurfa því að mæta af krafti. Ef þeir missa ekki stjórnina snemma gegn árás apanna gætu þessi tvö stig endað hjá göflurunum.

Strax eftir það förum við í botnslaginn, Somnio Esports gegn XY.esports. Það er gríðarlega mikilvægt að komast upp úr áttunda sæti til að detta ekki sjálfkrafa niður um deild en bæði liðin eru enn að leita að sínum fyrsta sigri. Það lið sem sigrar í kvöld er því líklegt til að ná að bjarga sér og því eigum við von á svakalegum leikjum frá þeim.

Fyrri viðureignin hefst klukkan átta í kvöld og er hægt að fylgjast með báðum hér að neðan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.