Ertu sdíbblaður?

Á meðan flestir fagna sumrinu er það þónokkrir sem fyllast kvíða þegar sólin hækkar á lofti og gróðurinn fer í sinn fegursta búning. Kláði í augum, nefrennsli og síendurteknir hnerrar er það sem bíður þeirra á þessu tímabili sem eru haldnir frjókornaofnæmi.

Frjókornaofnæmi er eitt algengasta ofnæmið sem Íslendingar eru haldnir og er sökudólgurinn oftast frjókorn frá grastegundum en líka trjám og túnfíflum. 

Hvað get ég gert?

Þú getur skellt þér út í apótek og keypt þér andhistamín lyf. Líkaminn myndar histamín í líkamanum þegar ofnæmi gerir vart við sig og það er histamínið sem veldur einkennunum s.s nefrennsli og hnerra. Andhistamín lyfin koma í veg fyrir að histamínið myndist.

Þú getur keypt þér stíflulosandi neflyf en það dregur saman háræðarnar í nefslímhúðinni og losar þannig um stíflur.

Ef að ekkert af þessu virkar borgar sig að kíkja til læknis og fá uppáskrifað sterkari lyf svo að þú þurfir ekki að loka þig inni yfir sumartímann.

Er hægt að draga úr frjókornaofnæmi með mataræði?

Nokkrar rannsóknir benda til þess að með því að styrkja ónæmiskerfi líkamanns þá geturðu minnkað líkurnar á því að fá frjókornaofnæmi. Mælt er með því að þú borðir meira af:

Hnetum, en þær eru magnesíumríkar og innihalda einnig E-vítamín, þessi vítamín styrkja öndunarfærin.

Epli, appelsínum, tómötum og papríku, en þau eru stútfull af C-vítamíni sem styrkir ónæmiskerfið.

Vínberjum og bláberjum, sem eru stútfull af andoxunarefnum sem styrkja frumur líkamans.

Feitum fisk, sérstaklega bleikum fisk sem inniheldur Omega-3 fitusýrur í miklu magni en fitusýrurnar draga úr bólgumyndun í líkamanum.

Einhverjir vilja svo halda því fram að neysla á mjólkurvörum sé slæm á ofnæmistímabilinu þar sem að það er talið að þær séu slímmyndandi og stífli þannig öndunarveginn enn frekar.

Frekari fróðleik um frjókornaofnæmi má finna á doktor.is og heimasíðu astma og ofnæmisfélags Íslands.