Lögreglustjóri tekur til Kristín Þorsteinsdóttir skrifar 9. janúar 2016 07:00 Nýr lögreglustjóri á höfuðborgarsvæðinu hefur látið til sín taka á stuttum tíma í embættinu. Nú horfir það svo við okkur sem fyrir utan stöndum að miklar tiltektir eigi sér stað innan embættisins. Að ábendingar og ásakanir um misferli í störfum lögreglumanna séu teknar fastari tökum en áður. Því ber að fagna. Áherslur Sigríðar Bjarkar Guðjónsdóttur í kynferðisbrotamálum og málum er varða heimilisofbeldi eru nauðsynlegar og til þess fallnar að svara kalli nútímans. Ríkislögreglustjóri sagði í föstudagsviðtali Fréttablaðsins í gær að hann væri stærsti bakhjarl Sigríðar. Þar ýjar hann að því að samskiptavandi innan yfirstjórnar lögreglunnar á höfuðborgarsvæðinu, sem mikið hefur verið fjallað um í fjölmiðlum, kunni að hafa með það að gera að Sigríður situr í karllægu og formföstu embætti, þar sem erfitt er að knýja fram breytingar. Samskiptavandi nokkurra yfirmanna á ríkisstofnun er lítill fórnarkostnaður fyrir bætta starfshætti lögreglu. Valdheimildir lögreglu eru miklar. Völd einstakra lögreglumanna eru mikil yfir lífi fólks, þótt eðlilega séu takmarkanir á því valdi. Sumum finnst ekki nóg um þær takmarkanir. Þegar fólk hefur vald yfir öðru fólki er mikilvægt sem aldrei fyrr að eftirlit sé haft með slíku. Fréttir af því að koma eigi fyrir skammbyssum í sérstökum vopnakössum í lögreglubílum auka þörfina á eftirliti. Eins og sakir standa er eftirlit með störfum lögreglu ekki nægjanlegt. Við höfum séð undanfarin misseri að svo virðist sem ekki sé alltaf farið eftir settum reglum. Eitt mikilvægasta hlutverk réttarríkisins hlýtur að vera að gæta þess að valdastofnunum séu sett skýr mörk. Engin ástæða er til þess að ætla að lögreglumenn séu óheiðarlegri en annað fólk. Það breytir ekki þeirri staðreynd að undanfarinn áratug hafa ellefu ákærur verið birtar lögreglumönnum í starfi. Í vikunni sat reyndur rannsóknarlögreglumaður úr fíkniefnadeild í einangrun, grunaður um að hafa átt í óeðlilegum samskiptum við fólk í fíkniefnaheiminum og þegið greiðslur fyrir að veita því upplýsingar. Vísir hefur fjallað um mál annars lögreglumanns sem hefur þrisvar verið færður til í starfi undanfarna mánuði, eftir að samstarfsmenn hans lýstu yfir vantrausti á störf hans. Einnig leikur grunur á að hann hafi átt í óeðlilegum samskiptum við brotamenn. Ríkislögreglustjóri, fyrrnefndur lögreglustjóri á höfuðborgarsvæðinu, formaður Landssamtaka lögreglumanna, innanríkisráðherra, ríkissaksóknari og flestir alþingismenn virðast vilja taka upp sjálfstætt eftirlit með starfsháttum lögreglu. Okkur er ekki til setunnar boðið. Það verður að hafa eftirlit með eftirlitinu. Viltu birta grein á Vísi? Sendu okkur póst. Senda grein Kristín Þorsteinsdóttir Mest lesið Heiðursgestur Viðreisnar vill heimsveldi Hjörtur J. Guðmundsson Skoðun Skapandi menntun skilar raunverulegum árangri Bryngeir Valdimarsson Skoðun Sex ára sáttmáli Davíð Þorláksson Skoðun Styrkjum stöðu leigjenda Kristján Þórður Snæbjarnarson Skoðun Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun Áskorun til ríkisstjórnarinnar: Innleiðum birgðaskyldu á eldsneyti Halla Hrund Logadóttir Skoðun Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun Stjórnendur sem mega ekki stjórna Stefán Vagn Stefánsson Skoðun Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Nýr lögreglustjóri á höfuðborgarsvæðinu hefur látið til sín taka á stuttum tíma í embættinu. Nú horfir það svo við okkur sem fyrir utan stöndum að miklar tiltektir eigi sér stað innan embættisins. Að ábendingar og ásakanir um misferli í störfum lögreglumanna séu teknar fastari tökum en áður. Því ber að fagna. Áherslur Sigríðar Bjarkar Guðjónsdóttur í kynferðisbrotamálum og málum er varða heimilisofbeldi eru nauðsynlegar og til þess fallnar að svara kalli nútímans. Ríkislögreglustjóri sagði í föstudagsviðtali Fréttablaðsins í gær að hann væri stærsti bakhjarl Sigríðar. Þar ýjar hann að því að samskiptavandi innan yfirstjórnar lögreglunnar á höfuðborgarsvæðinu, sem mikið hefur verið fjallað um í fjölmiðlum, kunni að hafa með það að gera að Sigríður situr í karllægu og formföstu embætti, þar sem erfitt er að knýja fram breytingar. Samskiptavandi nokkurra yfirmanna á ríkisstofnun er lítill fórnarkostnaður fyrir bætta starfshætti lögreglu. Valdheimildir lögreglu eru miklar. Völd einstakra lögreglumanna eru mikil yfir lífi fólks, þótt eðlilega séu takmarkanir á því valdi. Sumum finnst ekki nóg um þær takmarkanir. Þegar fólk hefur vald yfir öðru fólki er mikilvægt sem aldrei fyrr að eftirlit sé haft með slíku. Fréttir af því að koma eigi fyrir skammbyssum í sérstökum vopnakössum í lögreglubílum auka þörfina á eftirliti. Eins og sakir standa er eftirlit með störfum lögreglu ekki nægjanlegt. Við höfum séð undanfarin misseri að svo virðist sem ekki sé alltaf farið eftir settum reglum. Eitt mikilvægasta hlutverk réttarríkisins hlýtur að vera að gæta þess að valdastofnunum séu sett skýr mörk. Engin ástæða er til þess að ætla að lögreglumenn séu óheiðarlegri en annað fólk. Það breytir ekki þeirri staðreynd að undanfarinn áratug hafa ellefu ákærur verið birtar lögreglumönnum í starfi. Í vikunni sat reyndur rannsóknarlögreglumaður úr fíkniefnadeild í einangrun, grunaður um að hafa átt í óeðlilegum samskiptum við fólk í fíkniefnaheiminum og þegið greiðslur fyrir að veita því upplýsingar. Vísir hefur fjallað um mál annars lögreglumanns sem hefur þrisvar verið færður til í starfi undanfarna mánuði, eftir að samstarfsmenn hans lýstu yfir vantrausti á störf hans. Einnig leikur grunur á að hann hafi átt í óeðlilegum samskiptum við brotamenn. Ríkislögreglustjóri, fyrrnefndur lögreglustjóri á höfuðborgarsvæðinu, formaður Landssamtaka lögreglumanna, innanríkisráðherra, ríkissaksóknari og flestir alþingismenn virðast vilja taka upp sjálfstætt eftirlit með starfsháttum lögreglu. Okkur er ekki til setunnar boðið. Það verður að hafa eftirlit með eftirlitinu.
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun