Umhverfisvæn skot í Vesturröst

Vesturröst er farin að bjóða uppá umhverfisvænni skot frá Hull.  Það þekkist mjög víða í heiminum að skot með blýhöglum er bönnuð sökum mengunar sem þau kunna að valda.  Hull hefur þess vegna framleitt skot skot með stálhöglum sem ryðga og eyðast í náttúrunni og púður framleitt úr sykrum sem er líka umhverfisvænna.

Skotin eru hröð, eða um 1400 fet, 32 gramma í haglastærðum 4-5 með 221 hagli í skoti sem er meira en í sambærilegri 42 gr hleðslu.  Stálhöglin hafa það líka umfram blýhögl að það eru færri högl sem skemmast í hlaupinu þegar skotið springur þannig að dreifin verður betri og munstrið jafnara.

Við hvetjum veiðimenn til að fara vel yfir búnað sinn áður en gengið er til rjúpna.