Áfram í gæsluvarðhaldi vegna alvarlegrar líkamsárásar

Karlmaður á fimmtugsaldri var í dag úrskurðaður í fimm daga gæsluvarðhald í Héraðsdómi Reykjaness vegna alvarlegrar líkamsárásar í Kópavogi.

Maðurinn verður í gæsluvarðhaldi til 5.maí næstkomandi á grundvelli rannsóknarhagsmuna að kröfu Lögreglunnar á höfuðborgarsvæðinu. Þetta kemur fram í tilkynningu frá lögreglunni. Maðurinn hafði háður verið úrskurðaður í sex daga gæsluvarðhald sem rann út í dag.

Lögreglan hefur nú til rannsóknar mjög alvarlega líkamsárás sem var gerð í Kópavogi í síðustu viku. Tveir aðrir karlmenn voru handteknir í tengslum við málið en eru báðir lausir úr haldi lögreglu.