SA fullyrða að verð muni lækka Fanney Birna Jónsdóttir skrifar 15. september 2014 13:33 Samtök atvinnulífsins fullyrða að skattalækkanir sem boðaðar eru í fjárlagafrumvarpi ársins 2015 muni skila sér út í verðlag. Þetta kemur fram í tilkynningu frá samtökunum. Þar segir að í umræðu um þessar breytingar hafi margir fullyrt að ekki sé hægt að treysta fyrirtækjum til að skila lækkununum út í verðlag, þar á meðal forseti ASÍ, formaður VR, hagfræðingur ASÍ, greiningardeild Arion banka og ýmsir Alþingismenn. Þessar stðhæfingar séu tilhæfulausar og gangi þvert á reynslu sem fengist hafi af breytingum óbeinna skatta á undanförnum árum. Þannig hafi neðra þrep virðisaukaskatts verið lækkað úr 14 prósentum í sjö árið 2007 og hafi þær breytingar skilað sér út í verðlag. Bæði Samkeppniseftirlitið og ASÍ hafi staðfest þessar lækkanir. Í tilkynningunni segir að lokum orðrétt: „Ummæli núverandi hagfræðings og forseta ASÍ ganga í berhögg við fyrri niðurstöður og greiningar samtakanna á áhrifum af lækkun óbeinna skatta á verðlag. Af ofangreindu að dæma hafa skattalækkanir áður skilað sér að fullu út í verðlag og engin ástæða til að ætla annað en að sú verði einnig raunin nú.“ Tilkynninguna í heild sinni má lesa hér að neðan:„Í umræðu um boðaðar breytingar ríkisstjórnarinnar á virðisaukaskatti og niðurfellingu vörugjalda hafa margir fullyrt að ekki sé hægt að treysta fyrirtækjum til að skila skattalækkunum út í verðlagið. Meðal þeirra má nefna forseta ASÍ, formann VR, hagfræðing ASÍ, greiningardeild Arion Banka og ýmsa alþingismenn. Ekki er vísað til neinna rannsókna eða gagna fullyrðingunum til stuðnings.Staðhæfingarnar eru tilhæfulausar og ganga þvert á reynslu sem fengist hefur af breytingum óbeinna skatta á undanförnum árum. Þann 1. mars 2007 var neðra þrep virðisaukaskatts lækkað úr 14% í 7%, drykkjarvörur voru færðar úr efra þrepi í það neðra og vörugjöld á matvæli afnumin. Að öðru óbreyttu hefði lækkun virðisaukaskatts á þessar vörur átt að lækka matvælaverð um 6,1% og drykkjarvöruverð um 14,1%. Samkvæmt mælingum Hagstofunnar lækkaði matarverð um 8,2% milli febrúar og apríl 2007 og drykkjarvöruverð um 17,1%. Lækkunin var meiri en lækkun VSK gaf tilefni til og gætir þar að hluta afnáms vörugjaldanna á matvæli. Kaupmenn skiluðu þannig skattalækkunum til neytenda.Niðurstaða Samkeppniseftirlitsins í skýrslu sinni um verðþróun og samkeppni á dagvörumarkaði sem kom út í ársbyrjun 2012 var á sama veg en þar segir:„Verðhækkun dagvara var lítil á árunum 2006 og 2007. Lækkun á virðisaukaskatti á matvælum úr 14% í 7% sem og lækkun á vörugjöldum, einkum gosdrykkjum, í mars 2007 skilaði sér í samsvarandi lækkun á verði matvöru ísmásölu.“Þetta var einnig staðfest af ASÍ eins og lesa má í frétt á vef samtakanna 3. apríl 2007 undir fyrirsögninni: „Lágvöruverslanir skila lækkuninni.“ Í fréttinni segir:„Verðlækkanir í lágvöruverðsverslunarkeðjum í tengslum við lækkanir á virðisaukaskatti og vörugjöldum þann 1. mars sl. voru í samræmi við útreikninga Hagstofunnar á tilætluðum áhrifum aðgerðanna. Þetta kemur fram í fyrstu niðurstöðum úr viðamiklum verðmælingum verðlagseftirlits ASÍ í matvöruverslunum á tímabilinu.Síðar segir: „Þegar skoðaðar eru verðbreytingar á tímabilinu frá febrúar til mars 2007, þegar opinberar álögur á matvörur voru lækkaðar, kemur í ljós að verðlag lágvöruverðsverslananna lækkaði á bilinu 6,4 - 11%.“Í þessu samhengi má rifja upp að aðstöðugjald, sem var 1,3% veltuskattur á atvinnulífið, þ.m.t. verslun, var afnumið árið 1993. Þá, eins og nú, voru uppi efasemdir um að skattalækkunin kæmi neytendum til góða. Ágæta greiningu um áhrif þeirrar skattalækkunar er að finna í tímaritinu Vísbendingu, 26. mars 1993, í grein eftir þáverandi hagfræðing og núverandi forseta ASÍ undir fyrirsögninni: „Hefur aðstöðugjaldið skilað sér?“ Þar segir hann:„Ef miðað er við reynslu undanfarinna ára af verðlagsáhrifum vegna gengisfellinga og nánari sundurliðun á framfærsluvísitölunni eftir eðli og uppruna er ljóst að verðhækkanir undanfarna mánuði hafa verið mun minni en gengisfellingin gaf ástæðu til. Þannig hafa atvinnurekendur greinilega haldið aftur af sér með verðhækkanir og nýtt sér það svigrúm sem m.a. afnám aðstöðugjaldsins gaf.“Ummæli núverandi hagfræðings og forseta ASÍ ganga í berhögg við fyrri niðurstöður og greiningar samtakanna á áhrifum af lækkun óbeinna skatta á verðlag. Af ofangreindu að dæma hafa skattalækkanir áður skilað sér að fullu út í verðlag og engin ástæða til að ætla annað en að sú verði einnig raunin nú.“ Mest lesið Base parking gjaldþrota Viðskipti innlent Dagar Workplace eru taldir Viðskipti erlent Fóru í fyrsta flugið milli Calgary og Keflavíkurflugvallar Viðskipti innlent Fyrsta flugi Icelandair til Pittsburgh fagnað Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Segir að Play sé og verði áfram með höfuðstöðvar á Íslandi Viðskipti innlent Greiðsluáskorun Samstarf Forstjóri Play íhugar að fljúga frekar til Íslands en frá Viðskipti innlent Fleiri fréttir Fyrsta flugi Icelandair til Pittsburgh fagnað Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Hagnaðist um tæpa ellefu milljarða þrátt slæman búskap Sjá meira
Samtök atvinnulífsins fullyrða að skattalækkanir sem boðaðar eru í fjárlagafrumvarpi ársins 2015 muni skila sér út í verðlag. Þetta kemur fram í tilkynningu frá samtökunum. Þar segir að í umræðu um þessar breytingar hafi margir fullyrt að ekki sé hægt að treysta fyrirtækjum til að skila lækkununum út í verðlag, þar á meðal forseti ASÍ, formaður VR, hagfræðingur ASÍ, greiningardeild Arion banka og ýmsir Alþingismenn. Þessar stðhæfingar séu tilhæfulausar og gangi þvert á reynslu sem fengist hafi af breytingum óbeinna skatta á undanförnum árum. Þannig hafi neðra þrep virðisaukaskatts verið lækkað úr 14 prósentum í sjö árið 2007 og hafi þær breytingar skilað sér út í verðlag. Bæði Samkeppniseftirlitið og ASÍ hafi staðfest þessar lækkanir. Í tilkynningunni segir að lokum orðrétt: „Ummæli núverandi hagfræðings og forseta ASÍ ganga í berhögg við fyrri niðurstöður og greiningar samtakanna á áhrifum af lækkun óbeinna skatta á verðlag. Af ofangreindu að dæma hafa skattalækkanir áður skilað sér að fullu út í verðlag og engin ástæða til að ætla annað en að sú verði einnig raunin nú.“ Tilkynninguna í heild sinni má lesa hér að neðan:„Í umræðu um boðaðar breytingar ríkisstjórnarinnar á virðisaukaskatti og niðurfellingu vörugjalda hafa margir fullyrt að ekki sé hægt að treysta fyrirtækjum til að skila skattalækkunum út í verðlagið. Meðal þeirra má nefna forseta ASÍ, formann VR, hagfræðing ASÍ, greiningardeild Arion Banka og ýmsa alþingismenn. Ekki er vísað til neinna rannsókna eða gagna fullyrðingunum til stuðnings.Staðhæfingarnar eru tilhæfulausar og ganga þvert á reynslu sem fengist hefur af breytingum óbeinna skatta á undanförnum árum. Þann 1. mars 2007 var neðra þrep virðisaukaskatts lækkað úr 14% í 7%, drykkjarvörur voru færðar úr efra þrepi í það neðra og vörugjöld á matvæli afnumin. Að öðru óbreyttu hefði lækkun virðisaukaskatts á þessar vörur átt að lækka matvælaverð um 6,1% og drykkjarvöruverð um 14,1%. Samkvæmt mælingum Hagstofunnar lækkaði matarverð um 8,2% milli febrúar og apríl 2007 og drykkjarvöruverð um 17,1%. Lækkunin var meiri en lækkun VSK gaf tilefni til og gætir þar að hluta afnáms vörugjaldanna á matvæli. Kaupmenn skiluðu þannig skattalækkunum til neytenda.Niðurstaða Samkeppniseftirlitsins í skýrslu sinni um verðþróun og samkeppni á dagvörumarkaði sem kom út í ársbyrjun 2012 var á sama veg en þar segir:„Verðhækkun dagvara var lítil á árunum 2006 og 2007. Lækkun á virðisaukaskatti á matvælum úr 14% í 7% sem og lækkun á vörugjöldum, einkum gosdrykkjum, í mars 2007 skilaði sér í samsvarandi lækkun á verði matvöru ísmásölu.“Þetta var einnig staðfest af ASÍ eins og lesa má í frétt á vef samtakanna 3. apríl 2007 undir fyrirsögninni: „Lágvöruverslanir skila lækkuninni.“ Í fréttinni segir:„Verðlækkanir í lágvöruverðsverslunarkeðjum í tengslum við lækkanir á virðisaukaskatti og vörugjöldum þann 1. mars sl. voru í samræmi við útreikninga Hagstofunnar á tilætluðum áhrifum aðgerðanna. Þetta kemur fram í fyrstu niðurstöðum úr viðamiklum verðmælingum verðlagseftirlits ASÍ í matvöruverslunum á tímabilinu.Síðar segir: „Þegar skoðaðar eru verðbreytingar á tímabilinu frá febrúar til mars 2007, þegar opinberar álögur á matvörur voru lækkaðar, kemur í ljós að verðlag lágvöruverðsverslananna lækkaði á bilinu 6,4 - 11%.“Í þessu samhengi má rifja upp að aðstöðugjald, sem var 1,3% veltuskattur á atvinnulífið, þ.m.t. verslun, var afnumið árið 1993. Þá, eins og nú, voru uppi efasemdir um að skattalækkunin kæmi neytendum til góða. Ágæta greiningu um áhrif þeirrar skattalækkunar er að finna í tímaritinu Vísbendingu, 26. mars 1993, í grein eftir þáverandi hagfræðing og núverandi forseta ASÍ undir fyrirsögninni: „Hefur aðstöðugjaldið skilað sér?“ Þar segir hann:„Ef miðað er við reynslu undanfarinna ára af verðlagsáhrifum vegna gengisfellinga og nánari sundurliðun á framfærsluvísitölunni eftir eðli og uppruna er ljóst að verðhækkanir undanfarna mánuði hafa verið mun minni en gengisfellingin gaf ástæðu til. Þannig hafa atvinnurekendur greinilega haldið aftur af sér með verðhækkanir og nýtt sér það svigrúm sem m.a. afnám aðstöðugjaldsins gaf.“Ummæli núverandi hagfræðings og forseta ASÍ ganga í berhögg við fyrri niðurstöður og greiningar samtakanna á áhrifum af lækkun óbeinna skatta á verðlag. Af ofangreindu að dæma hafa skattalækkanir áður skilað sér að fullu út í verðlag og engin ástæða til að ætla annað en að sú verði einnig raunin nú.“
Mest lesið Base parking gjaldþrota Viðskipti innlent Dagar Workplace eru taldir Viðskipti erlent Fóru í fyrsta flugið milli Calgary og Keflavíkurflugvallar Viðskipti innlent Fyrsta flugi Icelandair til Pittsburgh fagnað Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Segir að Play sé og verði áfram með höfuðstöðvar á Íslandi Viðskipti innlent Greiðsluáskorun Samstarf Forstjóri Play íhugar að fljúga frekar til Íslands en frá Viðskipti innlent Fleiri fréttir Fyrsta flugi Icelandair til Pittsburgh fagnað Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Hagnaðist um tæpa ellefu milljarða þrátt slæman búskap Sjá meira