Úrsk­urðaður í sex daga gæslu­v­arðhald

Maðurinn sem braust inn á heimili í Hafnarfirði aðfaranótt föstudags og fór inn í herbergi stúlku á heimilinu hefur verið úrskurðaður í sex daga gæsluvarðhald á grundvelli rannsóknarhagsmuna.

Þetta staðfestir Grímur Grímsson yfirlögregluþjónn í samtali við fréttastofu RÚV. Í frétt á vef RÚV segir að Grímur vilji þó ekki tjá sig um hvað manninum gekk til, en maðurinn, sem er á þrítugsaldri, hefur ekki orðið uppvís af samskonar broti áður.

Sjá einnig: Braust inn í herbergi stúlku á grunnskólaaldri

Stúlkan náði að komast undan og gera öðrum heimilismönnum viðvart. Þegar forráðamenn stúlkunnar, sem er á grunnskólaaldri, leituðu að manninum í húsinu var hann á bak og burt.

Gerð var mikil leit að manninum, auk þess sem tæknideild lögreglu var kölluð á vettvang. Maðurinn var síðan handtekinn í gær.