Atvinnulíf

Konan með kórónu-húmorinn reynir að fela ógreitt hárið á morgnana

Rakel Sveinsdóttir skrifar
Í kaffispjalli um helgar er talað við fólk í ólíkum störfum. Þessa helgina er rætt við  Lóu Hlín Hjálmtýsdóttir, myndasögu- og handritstöfund, teiknara, rithöfund og konuna á bakvið óborganlegan húmor Lóuboratoríum myndasögunnar.
Í kaffispjalli um helgar er talað við fólk í ólíkum störfum. Þessa helgina er rætt við  Lóu Hlín Hjálmtýsdóttir, myndasögu- og handritstöfund, teiknara, rithöfund og konuna á bakvið óborganlegan húmor Lóuboratoríum myndasögunnar.

Húmorinn í myndum Lóuboratoríum er hreint óborganlegur þessa dagana: Allt það spaugilega og mannlega sem margir samsvara sig við í fjarvinnu, sóttkví eða heimaviðveru. Myndirnar eru snilldar kórónuhúmor og ljóst að höfundur þeirra er að fylgja eftir tilmælum landlæknis: Töpum ekki gleðinni!

Lóa Hlín Hjálmtýsdóttir er höfundur Lóuboratoríum. Hún starfar sem myndasögu- og handritshöfundur og teiknari. Lóa hefur líka gefið út fjöldann allan af bókum og stefnir á nýja barnabók í haust. 

Lóa Hlín situr fyrir svörum í kaffispjalli helgarinnar. Þar spyrjum við fólk alltaf um það hvenær það vaknar á morgnana, hvað er það fyrsta sem það gerir þá og hvenær fer fólk að sofa. Við spyrjum líka um vinnuna og skipulagið.

Ógreitt hárið og snús

Hvenær vaknar þú á morgnana?

„Á góðum dögum vakna ég í kringum 7:00-7:30, á slæmum 7:45-8:00 og þarf þá að rjúka af stað með son minn í skólann og setja húfu á höfuðið svo enginn taki eftir því að ég hafi ekki náð að greiða mér.“

Hvað er það fyrsta sem þú gerir á morgnana?

„Það fyrsta sem ég geri er að ýta á snooze og sofna aftur í 10 mínútur svo fer ég og vek barnið mitt.

Svo fer ég heim og greiði mér og fer svo niður á vinnustofu.“

Lóaboratoríum myndasagan er að slá í gegn á Facebook enda margt þar sem margir geta samsvarað sig við í heimaviðverunni sem flestir eru í þessa dagana.Vísir/Lóaboratoríum



Teiknar í vinnunni á daginn og Lóaboratoríum á kvöldin

Er Lóaboratoríum að endurspegla lífið þitt þessa dagana eða hvaðan færðu hugmyndirnar? 

„Lóaboratoríum endurspeglar líf mitt á ákveðinn hátt en spegillinn er beyglaður. 

Ég nota ýmsar aðferðir við að fá hugmyndir til dæmis að teikna fyrst klessur og sjá hvað þær minna mig á og reyna að fá hugmyndir út frá formunum. 

Stundum nota ég setningar úr samtölum við kærastann minn.“

Í hvaða verkefni ertu að vinna helst í þessa dagana?

„Ég er að teikna myndir fyrir fólk, selja prent og sendast með þau. 

Svo er ég að skrifa bók fyrir börn sem á að koma út í haust. 

Á kvöldin geri ég svo alltaf eina myndasögu og set á síðuna mína Lóaboratoríum á Facebook og Instagram. 

Ég þýði líka sögurnar fyrir Instagram á ensku og birti á báðum tungumálum þar.“

Lóaboratoríum á Facebook hittir í mark með kórónuhúmor þessa dagana. Lóa Hlín birtir myndasöguna líka með  enskum texta á Instagram.Vísir/Lóaboratoríum

Hvernig skipuleggur þú þig í vinnu? 

„Með mjög gamaldags aðferðum. 

Ég nota skissubók sem dagbók og skrifa þar niður allt dótaríið. Ég reyni að byrja hvern dag á því.

Hvenær ferðu að sofa á kvöldin?

„Í fyrsta lagi hálf eitt. Ég á mjög erfitt með að hætta þeim ósið að fara of seint að sofa.“


Tengdar fréttir

Sér fyrir sér góðan dag þar sem verkefnin leysast farsællega

Í kaffispjalli um helgar fáum við innsýn í líf og starf fólks sem vinnur í ólíkum störfum. Víðir Þór Þrastarson heilsu- og einkaþjálfari í World Class gefur án efa mörgum góðar hugmyndir um heilbrigðan lífstíl um leið og hann lýsir dæmigerðum vinnudegi hjá sér.

Sama mantran í 40 daga, ísköld sturta og stórstjörnur

Morgunrútínan er Hrönn Marinósdóttur framkvæmdastjóra RIFF kvikmyndahátíðarinnar mjög mikilvæg og nýverið vonaðist hún til að rekast á Jeremy Irons og Hillary Clinton þegar hún var stödd á kvikmyndahátíð. Hrönn situr fyrir svörum í kaffispjalli helgarinnar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.