Viðskipti innlent

Fé­lag Frið­berts kaupir allt hluta­fé í Heklu

Atli Ísleifsson skrifar
Friðbert Friðbertsson er forstjóri Heklu.
Friðbert Friðbertsson er forstjóri Heklu. Hekla

Riftún ehf., sem er í eigu Friðberts Friðbertssonar, forstjóra Heklu hf., hefur keypt allt hlutafé í bílaumboðinu Heklu.

Þetta kemur fram í tilkynningu, en fyrir kaupin átti Semler, sem á og rekur umboð fyrir Volkswagen bifreiðar í Danmörku (Volkswagen, Audi, Porsche, SEAT og Skoda), helmingshlut í félaginu.

Haft er eftir Friðberti að breytt eignarhald hafi verið til skoðunar um nokkurt skeið og það rímað vel við framtíðarsýn Semler sem ætli að einbeita sér enn frekar að danska markaðnum. „Semler, sem hefur átt hlut í félaginu síðan 2013, hefur verið góður samstarfsfélagi og þetta hefur verið ánægjulegur tími.“

Lögfræðistofan Landslög og fyrirtækjasvið Arion banka voru ráðgefandi í ferlinu og viðskiptunum sjálfum. Nýja stjórn Heklu skipa Jón Eiríksson, sem jafnframt er stjórnarformaður, Margrét Guðmundsdóttir og Friðbert Friðbertsson.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×