Viðskipti innlent

Icelandair selur tvær Boeing 737 MAX 9 og semur um leigu

Kolbeinn Tumi Daðason skrifar
Bogi Nils Bogason forstjóri Icelandair.
Bogi Nils Bogason forstjóri Icelandair. Vísir/Vilhelm

Icelandair skrifaði í dag undir samning um sölu og endurleigu á tveimur Boeing 737 MAX 9 flugvélum við Sky Aero Management (SKY Leasing). Þetta kemur fram í tilkynningu Icelandair til fjölmiðla en flugfélagið hefur sent tilkynnt um viðskiptin til Kauphallar.

Þar segir að gert sé ráð fyrir að flugvélarnar verði afhentar á tímabilinu apríl til júní 2021 en leigutími vélanna er til tólf ára.

Icelandair hafði áður gert samning við BOC Aviation um sölu og endurleigu á einni Boeing 737 MAX 8 vél ásamt fjármögnun til vara á MAX 9 flugvélunum tveimur. Í tilkynningunni segir að nú sé ljóst að sú fjármögnun verði ekki nýtt.

„Hins vegar hefur áður verið tilkynnt um fjármögnun til vara í gegnum BOC Aviation, sem er enn til staðar, fyrir þær þrjár Boeing 737 MAX flugvélar sem áætlað er að verði afhentar í fjórða ársfjórðungi 2021 og fyrsta ársfjórðungi 2022,“ segir í tilkynningu Icelandair.

Icelandair Fréttir af flugi Markaðir


Mest lesið


Fleiri fréttir

Sjá meira


×

Mest lesið