Fótbolti

Biðst afsökunar á að hafa meitt Neymar

Anton Ingi Leifsson skrifar
Neymar liggur óvígur eftir.
Neymar liggur óvígur eftir. Xavier Laine/Getty Images

Brasilíska stórstjarnan Neymar meiddist illa í leik Lyon og PSG um helgina en Brassinn var borinn af velli á 97. mínútu leiksins.

Lyon vann 1-0 sigur í leik liðanna á Parc des Princes og toppbaráttan í Frakklandi er ansi áhugaverð. Lille og Lyon eru með 29 stig, PSG með 28 og Marseille 27 en einungis með tólf leiki spilaða.

Thiago Mendes tæklaði Neymar nokkuð harkalega í uppbótartíma en hann fékk beint rautt spjald fyrir tæklinguna. Hann fór beint á Instagram eftir leik.

„Ég gerði mistök og því vil ég biðja Neymar afsökunar,“ skrifaði Mendes á Instagram síðu sína.

Óvíst er hversu lengi Neymar verður frá en PSG greinir frá því fyrr í dag að Neymar hafi tognað á ökkla. Í dag drógust þeir svo gegn Barcelona í 16-liða úrslitum Meistaradeildarinnar.

Franski boltinn

Tengdar fréttir

Mest lesið


Fleiri fréttir

Sjá meira


×

Mest lesið