„Það er ómetanlegt hvað hann hefur kennt mér mikið“

Ritstjórn Albumm skrifar 11. desember 2020 11:00

Tónlistarkonan Saga B heitir réttu nafni Berglind Saga. Hún er 27 ára, kemur frá Hafnarfirði og byrjaði að gera tónlist fyrr á árinu.

Saga B var að senda frá sér plötuna Bangers out og inniheldur hún fjögur lög.

Lögin í plötunni eru að mestu frumsamin af Sögu sjálfri en hún fékk góða hjálp frá fagaðilum erlendis sem hafa unnið lengi í geiranum sem hjálpuðu henni meðal annars við uppsetningu og framburð þar sem allt efnið er á ensku. Húmorinn er í fyrirrúmi í tónlistinni og hefur Saga B fulla trú á að fólk túlki það á ólíkan og skemtilegan máta.

„Ég ákvað að ráða raddþjálfara, „vocal coach“, og endurupptaka fimmta lagið, Bottle Service sem er væntanlegt á næstunni,” segir Saga B. Prince Chappelle hefur einnig hjálpað Sögu mikið en hann hefur meðal annars unnið með Chris Brown og Snoop Dog. „Það er ómetanlegt hvað hann hefur kennt mér mikið á skömmum tíma.“

Hér fyrir neðan má sjá myndband við lagið Can't Tell Me Nothing, sem kom út í sumar.

Hægt er að fylgjast nánar með Sögu B á Facebook og Instagram.

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í albumm@albumm.is.

Tónlist