Eins og allir aðrir en kráareigendur eigi að fá að halda gleðileg jól Kristín Ólafsdóttir skrifar 9. desember 2020 17:33 Arnar Þór Gíslason á fimm skemmtistaði í miðbænum, þar á meðal Lebowski á Laugavegi. Samsett Kráareigandi í miðbæ Reykjavíkur segist nú íhuga, líkt og fleiri veitingamenn og kráareigendur, að höfða mál gegn stjórnvöldum vegna sóttvarnaaðgerða síðustu vikur. Hann segir um mismunun að ræða og að svo virðist sem kráareigendur séu þeir einu sem ekki eigi að fá gleðileg jól. Greint var frá því í hádegisfréttum Ríkisútvarpsins að allar líkur væru á að einhverjir úr veitingageiranum höfði mál á hendur stjórnvöldum á næstunni vegna sóttvarnaaðgerða. Samtök fyrirtækja á veitingamarkaði hafa látið vinna lögfræðiálit og nokkrir kráareigendur og veitingahúsaeigendur hafa haft samband við lögmenn. Arnar Þór Gíslason er einn eigenda skemmtistaðanna Lebowski, Kalda bars, Dönsku kráarinnar, Irishman og English pub. Fjórir af stöðunum fimm hafa staðið lokaðir síðustu vikur. Arnar segir í samtali við Vísi að hann, líkt og fleiri veitingamenn og kráareigendur, íhugi nú að leita réttar síns gagnvart stjórnvöldum vegna lokananna. „Að sjálfsögðu höfum við verið að skoða allar leiðir í þessu. Og bara það að yfirvöld haldi að þau geti ákveðið það að ég fái að hámarki tvær milljónir í lokunarstyrk á mánuði gerir mann dálítið reiðan,“ segir Arnar. „Það er í rauninni staðan sem við erum að skoða og allir lögfræðingar sem við höfum talað við segja við okkur að þetta sé næstum gefið mál. En nema auðvitað að yfirvöld endurskoði styrkina eða bæturnar, eins og ég horfi á það, út af því að þetta dugar varla fyrir leigu og þá á eftir að borga allt annað.“ Og á hverju væri málið byggt? Er þetta það sama og líkamsræktarstöðvarnar hafa nefnt, jafnræðisreglu og slíkt? „Já, nema að við erum um tvö hundruð fyrirtæki, bara kráareigendur, og um sex hundruð veitingastaðir. Þetta er í rauninni bara það að ríkið haldi ekki að það geti komist upp með að loka á okkur og þvinga okkur og komi þá með almennilegar bætur sem meika sens. Að við séum ekki að borga laun og leigu fyrir lokað húsnæði.“ Fylgjast með gestum kaffihúsanna hafa gaman Arnar kveðst hafa verið vongóður um að geta opnað sína staði áður en nýju reglurnar sem taka gildi á fimmtudag voru kynntar. „Enda er gríðarleg mismunun að leyfa kaffihúsum að taka á móti gestum og drekka bjór á meðan við megum það ekki. Samt erum við að fylgja öllum sóttvörnum og takmörkunum til hins ýtrasta. Við þurfum bara að horfa út um gluggann á börunum þar sem fólk situr á kaffihúsunum og veitingastöðunum að drekka bjór og hafa gaman,“ segir Arnar. „Það eru greinilega bara barir og krár sem eiga ekki að eiga gleðileg jól, heldur allir aðrir í samfélaginu. Þannig að ég vil endilega nýta tækifærið og ítreka að ég óska öllum öðrum gleðilegra jóla fyrir hönd bara- og kráareigenda.“ Þá sér Arnar ekki fyrir sér að ástandið batni að neinu ráði fyrr en í vor. En sér hann fram á að reksturinn þrauki þangað til? „Við þurfum bara að lána fyrirtækjunum okkar og veðsetja eigin eignir, hús og bíla, til að halda þessu gangandi áður en maður fer endanlega í gjaldþrot. En við munum gera allt okkar til að halda höfði og eiga einhvern pening til að fara í málsókn,“ segir Arnar. „Ríkið er að gefa sér gríðarlega langan tíma að borga út lokunarstyrki og í rauninni skuldar fyrirtækjum margar milljónir.“ Sóttvarnayfirvöld hafa ítrekað sagt að mesta smithættan af kórónuveirunni sé meðal annars á krám og líkamsræktarstöðum. Þannig voru skemmtistaðir sagðir þungamiðja þeirra smita sem byrjuðu að greinast í september síðastliðnum. Næturlíf Veitingastaðir Faraldur kórónuveiru (COVID-19) Mest lesið Sleppur við vangreiðslugjaldið hjá Parka Neytendur Tveir nýir vörumerkjastjórar til Ölgerðarinnar Viðskipti innlent Ráðin framkvæmdastjóri markaðsstofu Travel Connect Viðskipti innlent Greiðsluáskorun Samstarf Tekur við sem framkvæmdastjóri verkfræðisviðs Coripharma Viðskipti innlent „Eitt sinn var ég ekki svo lánsöm að tilheyra stóru vinkonusamfélagi“ Atvinnulíf Loka verslun Útilífs í Smáralind Viðskipti innlent Andri Sævar og Svava til Daga Viðskipti innlent Birgir til Banana Viðskipti innlent Bætir við sig nýjum áfangastað á Ítalíu Viðskipti innlent Fleiri fréttir Andri Sævar og Svava til Daga Tveir nýir vörumerkjastjórar til Ölgerðarinnar Tekur við sem framkvæmdastjóri verkfræðisviðs Coripharma Ráðin framkvæmdastjóri markaðsstofu Travel Connect Birgir til Banana Spyr hvort tilefni sé til ánægju með sölu á Íslandsbanka Bætir við sig nýjum áfangastað á Ítalíu Loka verslun Útilífs í Smáralind Meðalsölutími fasteigna hundrað dagar Systurfélag ÞG verktaka kaupir Arnarland Play sé ekki að fara á hausinn Fór yfir breytingarnar sem verði ekki allar þægilegar fyrir starfsfólk Framkvæmdastjórar kveðja og sviðum stokkað upp Sammála um aukna verðbólgu í september Tekur við stöðu framkvæmdastjóra LÍS Kristín nýr framkvæmdastjóri Eflu Taka tvær Airbus-þotur til á leigu Stefán stefnir á opnun fyrir jól: „Þetta verður bullandi stemning“ Vilja selja Landsbankann Lísbet nýr lögfræðingur Viðskiptaráðs Ráðin forstöðumaður Trygginga hjá Landsbankanum Samdráttur hafinn í byggingariðnaði sem skapi efnahagslegan vítahring Yrði fljótt kvíðinn með aleiguna í Bitcoin Kormákur og Skjöldur yfirgefa Leifsstöð Egill Örn inn fyrir Stefán hjá Solid Clouds Nýtti glugga þegar hann opnaðist og þurfti ekki að kaupa fyrirtækið til baka Breytingar á tollskrá megi ekki grafa undan íslenskri framleiðslu Matvöruverslanir kattslakar en lyfjarisi fylgist grannt með Stofnar einkahlutafélagið Uppselt ehf. Lítið fékkst upp í háar kröfur í bú Blackbox Sjá meira
Greint var frá því í hádegisfréttum Ríkisútvarpsins að allar líkur væru á að einhverjir úr veitingageiranum höfði mál á hendur stjórnvöldum á næstunni vegna sóttvarnaaðgerða. Samtök fyrirtækja á veitingamarkaði hafa látið vinna lögfræðiálit og nokkrir kráareigendur og veitingahúsaeigendur hafa haft samband við lögmenn. Arnar Þór Gíslason er einn eigenda skemmtistaðanna Lebowski, Kalda bars, Dönsku kráarinnar, Irishman og English pub. Fjórir af stöðunum fimm hafa staðið lokaðir síðustu vikur. Arnar segir í samtali við Vísi að hann, líkt og fleiri veitingamenn og kráareigendur, íhugi nú að leita réttar síns gagnvart stjórnvöldum vegna lokananna. „Að sjálfsögðu höfum við verið að skoða allar leiðir í þessu. Og bara það að yfirvöld haldi að þau geti ákveðið það að ég fái að hámarki tvær milljónir í lokunarstyrk á mánuði gerir mann dálítið reiðan,“ segir Arnar. „Það er í rauninni staðan sem við erum að skoða og allir lögfræðingar sem við höfum talað við segja við okkur að þetta sé næstum gefið mál. En nema auðvitað að yfirvöld endurskoði styrkina eða bæturnar, eins og ég horfi á það, út af því að þetta dugar varla fyrir leigu og þá á eftir að borga allt annað.“ Og á hverju væri málið byggt? Er þetta það sama og líkamsræktarstöðvarnar hafa nefnt, jafnræðisreglu og slíkt? „Já, nema að við erum um tvö hundruð fyrirtæki, bara kráareigendur, og um sex hundruð veitingastaðir. Þetta er í rauninni bara það að ríkið haldi ekki að það geti komist upp með að loka á okkur og þvinga okkur og komi þá með almennilegar bætur sem meika sens. Að við séum ekki að borga laun og leigu fyrir lokað húsnæði.“ Fylgjast með gestum kaffihúsanna hafa gaman Arnar kveðst hafa verið vongóður um að geta opnað sína staði áður en nýju reglurnar sem taka gildi á fimmtudag voru kynntar. „Enda er gríðarleg mismunun að leyfa kaffihúsum að taka á móti gestum og drekka bjór á meðan við megum það ekki. Samt erum við að fylgja öllum sóttvörnum og takmörkunum til hins ýtrasta. Við þurfum bara að horfa út um gluggann á börunum þar sem fólk situr á kaffihúsunum og veitingastöðunum að drekka bjór og hafa gaman,“ segir Arnar. „Það eru greinilega bara barir og krár sem eiga ekki að eiga gleðileg jól, heldur allir aðrir í samfélaginu. Þannig að ég vil endilega nýta tækifærið og ítreka að ég óska öllum öðrum gleðilegra jóla fyrir hönd bara- og kráareigenda.“ Þá sér Arnar ekki fyrir sér að ástandið batni að neinu ráði fyrr en í vor. En sér hann fram á að reksturinn þrauki þangað til? „Við þurfum bara að lána fyrirtækjunum okkar og veðsetja eigin eignir, hús og bíla, til að halda þessu gangandi áður en maður fer endanlega í gjaldþrot. En við munum gera allt okkar til að halda höfði og eiga einhvern pening til að fara í málsókn,“ segir Arnar. „Ríkið er að gefa sér gríðarlega langan tíma að borga út lokunarstyrki og í rauninni skuldar fyrirtækjum margar milljónir.“ Sóttvarnayfirvöld hafa ítrekað sagt að mesta smithættan af kórónuveirunni sé meðal annars á krám og líkamsræktarstöðum. Þannig voru skemmtistaðir sagðir þungamiðja þeirra smita sem byrjuðu að greinast í september síðastliðnum.
Næturlíf Veitingastaðir Faraldur kórónuveiru (COVID-19) Mest lesið Sleppur við vangreiðslugjaldið hjá Parka Neytendur Tveir nýir vörumerkjastjórar til Ölgerðarinnar Viðskipti innlent Ráðin framkvæmdastjóri markaðsstofu Travel Connect Viðskipti innlent Greiðsluáskorun Samstarf Tekur við sem framkvæmdastjóri verkfræðisviðs Coripharma Viðskipti innlent „Eitt sinn var ég ekki svo lánsöm að tilheyra stóru vinkonusamfélagi“ Atvinnulíf Loka verslun Útilífs í Smáralind Viðskipti innlent Andri Sævar og Svava til Daga Viðskipti innlent Birgir til Banana Viðskipti innlent Bætir við sig nýjum áfangastað á Ítalíu Viðskipti innlent Fleiri fréttir Andri Sævar og Svava til Daga Tveir nýir vörumerkjastjórar til Ölgerðarinnar Tekur við sem framkvæmdastjóri verkfræðisviðs Coripharma Ráðin framkvæmdastjóri markaðsstofu Travel Connect Birgir til Banana Spyr hvort tilefni sé til ánægju með sölu á Íslandsbanka Bætir við sig nýjum áfangastað á Ítalíu Loka verslun Útilífs í Smáralind Meðalsölutími fasteigna hundrað dagar Systurfélag ÞG verktaka kaupir Arnarland Play sé ekki að fara á hausinn Fór yfir breytingarnar sem verði ekki allar þægilegar fyrir starfsfólk Framkvæmdastjórar kveðja og sviðum stokkað upp Sammála um aukna verðbólgu í september Tekur við stöðu framkvæmdastjóra LÍS Kristín nýr framkvæmdastjóri Eflu Taka tvær Airbus-þotur til á leigu Stefán stefnir á opnun fyrir jól: „Þetta verður bullandi stemning“ Vilja selja Landsbankann Lísbet nýr lögfræðingur Viðskiptaráðs Ráðin forstöðumaður Trygginga hjá Landsbankanum Samdráttur hafinn í byggingariðnaði sem skapi efnahagslegan vítahring Yrði fljótt kvíðinn með aleiguna í Bitcoin Kormákur og Skjöldur yfirgefa Leifsstöð Egill Örn inn fyrir Stefán hjá Solid Clouds Nýtti glugga þegar hann opnaðist og þurfti ekki að kaupa fyrirtækið til baka Breytingar á tollskrá megi ekki grafa undan íslenskri framleiðslu Matvöruverslanir kattslakar en lyfjarisi fylgist grannt með Stofnar einkahlutafélagið Uppselt ehf. Lítið fékkst upp í háar kröfur í bú Blackbox Sjá meira