Matur

Rjómaostatoppar með hvítu súkkulaði

Sylvía Rut Sigfúsdóttir skrifar
Þættirnir Jólaboð með Evu eru sýndir á Stöð 2 öll sunnudagskvöld fram að jólum.
Þættirnir Jólaboð með Evu eru sýndir á Stöð 2 öll sunnudagskvöld fram að jólum. Stöð 2

Í fyrsta þætti af Jólaboð með Evu, fengu áhorfendur að fylgjast með Evu Laufey baka rjómaostatoppa sem ættu að slá í gegn yfir hátíðarnar. Hér fyrir neðan má sjá brot úr fyrsta þættinum en uppskriftina má líka finna neðar í fréttinni.

 Næsti þáttur af Jólaboð með Evu er á dagskrá á morgun, sunnudag klukkan 19:05 á Stöð 2. 

Klippa: Jólaboð með Evu - Rjómaostatoppar

Uppskrift - Rjómaostatoppar með hvítu súkkulaði

  • 220 g smjör
  • 200 g hreinn rjómaostur
  • 225 g púðursykur
  • 225 g sykur
  • 2 egg
  • 2 tsk vanillusykur
  • 600 g hveiti
  • ½ tsk salt
  • 3 tsk kanill
  • 1 tsk lyftiduft
  • 4 msk mjólk
  • 100 g hvítt súkkulaði

Til að rúlla deiginu í:

  • 100 g sykur
  • 2 tsk kanill

Aðferð:

  1. Hitið ofninn í 180°C. Hrærið smjöri, rjómaosti og sykri saman þar til blandan verður kremkennd.
  2. Bætið eggjum út í, einu í einu og hrærið vel á milli.
  3. Setjið þurrefnin saman við deigið og hrærið vel. Hellið mjólkinni út í deigið í nokkrum skömmtum. Kælið deigið í 30 mínútur eða lengur.
  4. Mótið litlar kúlur með teskeiðum, rúllið upp úr kanilsykri og leggið á pappírsklædda ofnplötu. Bakið við 180°C (blástur) í 13 – 15 mínútur.
  5. Bræðið hvítt súkkulaði og hellið yfir kökurnar í lokin.



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.