Svandís Svavarsdóttir heilbrigðisráðherra segir bólusetningar við kórónuveirunni geta hafist í fyrstu vikum næsta árs og hjarðónæmi myndist fljótt. Við fjöllum um málið í kvöldfréttum okkar klukkan 18:30.
Þá segjum við frá því að Ísland er nú með lægstu tíðni kórónuveirusmitaðra í Evrópu. Sóttvarnalæknir segir það til marks um að aðgerðir hafi skilað árangri.
Við ræðum einnig við veðurfræðing um veðrið fram undan en norðanhríð hefur lamið á landsmönnum í dag með fimbulkulda. Innanlandsflugi var aflýst og óvissustig er vegna snjóflóðahættu.
Þá heimsækjum við lítið fjölskyldufyrirtæki á Vestfjörðum er á fljúgandi siglingu. Það endurnýtir salt frá fiskvinnslu og býr til saltsteina fyrir búfé. Þetta og margt fleira í fréttum okkar á Bylgjunni, Stöð 2 og Vísir.is klukkan 18:30.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
