Sport

Leik Ra­vens og Steelers frestað í annað sinn

Runólfur Trausti Þórhallsson skrifar
Úr leik Steelers og Ravens þann 29. desember 2019.
Úr leik Steelers og Ravens þann 29. desember 2019. EPA-EFE/ERIK S. LESSER

Stórleik Pittsburgh Steelers og Baltimore Ravens hefur verið frestað á nýjan leik. Leikurinn var á dagskrá Stöðvar 2 Sport 2 eftir miðnætti í kvöld. Hefur leiknum nú verið frestað þangað til á morgun, miðvikudag.

Pittsburgh Steelers eru eina lið NFL-deildarinnar sem hefur ekki enn tapað leik á meðan gengi Baltimore Ravens hefur verið skrykkjótt. Reikna má þó með hörkuleik þegar leikurinn verður loks flautaður á. Ljóst er að það verður ekki í kvöld.

Upphaflega átti leikurinn að fara fram á þakkagjörðarhátíðinni sjálfri en segja má að um heilagan leikdag NFL-deildarinnar sé að ræða þar. Leiknum var hins vegar frestað þá og aftur núna.

Þetta þýðir að Steelers munu leika tvo leiki með einkar skömmu millibili. Eitthvað sem þekkist vart í NFL-deildinni.

NFL



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.