400 milljónir til kaupa á 550 þúsund skömmtum af bóluefni Elín Margrét Böðvarsdóttir skrifar 25. nóvember 2020 23:30 Ríkisstjórnin kynnti nýverið aðgerðaáætlun vegna viðspyrnu fyrir Ísland vegna áhrifa kórónuveirufaraldursins. Stór hluti þeirra viðbótarútgjalda sem gert er ráð fyrir í nýju frumvarpi til fjáraukalaga er til kominn vegna heimsfaraldursins. Vísir/Vilhelm Lagt er til að fjárheimildir verði auknar samtals um rúma 65 milljarða í nýju frumvarpi til fjáraukalaga sem dreift var á Alþingi í dag. Gert er ráð fyrir ríflega 55 milljarða aukningu vegna svokallaðra COVID-útgjalda og tæpum tíu milljörðum vegna annarra útgjalda. Samtals má rekja um það bil 93% af heildaraukningu fjárheimilda á árinu til beinna eða afleiddra áhrifa af heimsfaraldrinum. Í þessu fimmta frumvarpi til fjáraukalaga sem komið hefur til kasta alþingis á árinu munar mestu um rúma 44 milljarða króna vegna vinnumarkaðsaðgerða og þá um aukin framlög til reksturs heilbrigðisstofnana sem staðið hafa í framlínunni. Meðal þess sem lagt er til í frumvarpinu er 400 milljóna króna fjárheimild vegna kaupa á bóluefni gegn covid-19. Talið er að einstaklingar þurfi tvo skammta af bóluefninu og gera þarf því ráð fyrir að þörfin fyrir bóluefni á Íslandi, ef miðað er við að bólusetja þurfi 75% þjóðarinnar með tveimur skömmtum, sé um 550 þúsund skammtar af bóluefni, að því er lesa má úr frumvarpinu. Búist er við að hver skammtur muni kosta um fjórar evrur, eða sem nemur um það bil 645 krónum, en við það bætist flutningskostnaður og önnur gjöld. Þá er lögð til 46 milljóna króna hækkun vegna samstarfsverkefnis um lyfjakaup sem íslensk stjórnvöld hafa ákveðið að taka þátt í en verkefnið er liður í því að tryggja öllum þjóðum aðgang að bóluefni við covid-19. „Þátttaka Íslands og Noregs er liður í samstarfi Evrópuþjóða þar sem aðildarríki Evrópusambandsins og Evrópska efnahagssvæðisins leggja sitt af mörkum til að uppfylla það mikilvæga markmið að öllum þjóðum heims verði tryggður aðgangur að bóluefni, óháð efnahag. Framlag Íslands og Noregs til verkefnisins hljóðar upp á sjö milljónir Bandaríkjadala, jafnvirði 967 m.kr., sem jafngildir tveimur milljónum skammta af bóluefni,“ segir í frumvarpinu en þar af standa íslensk stjórnvöld straum af fjármögnun á hundrað þúsund skömmtum af bóluefni. Þar að auki er gert ráð fyrir 500 milljóna aukaframlagi á málasviði alþjóðlegrar þróunarsamvinnu vegna þróunar bóluefnis og jafns aðgengis ríkja óháð greiðslugetu þeirra með það að leiðarljósi að tryggja öllum jarðarbúum aðgengi að bóluefni. Þar af renna 250 milljónir til þróunar bóluefna en hinar 250 milljónirnar renna til Alþjóðaónæmisaðgerðasjóðsins sem sér um forkaupsrétt og dreifingu bóluefnis til þróunarríkja. Auknar fjárheimildir vegna ófyrirséðs kostnaðar í heilbrigðiskerfinu Alls er gert ráð fyrir að fjárheimild vegna málaflokks um sjúkrahúsþjónustu verði aukin um rúma fjóra milljarða sem að mestu leyti má rekja til ófyrirséðs kostnaðar vegna heimsfaraldurs covid-19. Má þar til að mynda nefna kostnað vegna launahækkana vegna aukins álags, bakvarðasveitar, veiruskimunarprófa og innkaupa á ýmsum búnaði og áhöldum sem og vegna framlengingar vaktaálagsauka hjúkrunarfræðinga á Landspítala. Þá er jafnframt gert ráð fyrir ríflega 1,8 milljarða aukningu fjárheimilda til málefnasviðs heilbrigðisþjónustu utan sjúkrahúsa, á það til að mynda við um heilsugæslu, sérfræðiþjónustu og hjúkrun og sjúkraflutninga. Þá má nefna að fjárheimild vegna hjúkrunar- og endurhæfingarþjónustu stendur til að hækka um 813 milljónir, meðal annars til að mæta ófyrirséðum kostnaði vegna covid-19 á hjúkrunarheimilum. RÚV fær 55 milljónir til viðbótar Gert er einnig ráð fyrir því í frumvarpinu að Ríkisútvarpið fái ríflega 55 milljóna viðbótarfjárveitingu „vegna aukins kostnaðar í tengslum við aðgerðir stjórnvalda vegna heimsfaraldursins,“ líkt og það er orðað í greinagerð með frumvarpinu. Þá er lagt til að embætti ríkislögreglustjóra fái tæpar 553 milljónir í aukið framlag til að mæta kostnaði vegna heimsfaraldursins og lögregluembætti um landið fái rúmar 155 milljónir til viðbótar svo fátt eitt sé nefnt. Meðal annarra þátta sem lagðir eru til með frumvarpinu eru hækkun fjárveitinga til Landsréttar til að mæta launakostnaði vegna setningar dómara í stað þeirra sem ekki hafa getað sinnt störfum síðan í mars í fyrra í kjölfar dóms Mannréttindadómstóls Evrópu um ólögmæta skipun dómara við réttinn. Alþingi Ríkisstjórn Katrínar Jakobsdóttur Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Vísbending um að flutningaskip hafi hvolft bátnum Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Skipstjórinn og tveir stýrimenn handteknir vegna sjóslyssins Innlent Miklar breytingar á fylgi fyrir kappræður Stöðvar 2 í kvöld Innlent Forsetavaktin 2024: Hver verður sjöundi forseti lýðveldisins? Innlent Fékk sting í hjartað þegar hann sá nafnið á bátnum Innlent „Blaut tuska í andlit Félags eldri borgara í Reykjavík“ Innlent Skikkar lögreglu til að rannsaka stjórn aðventista Innlent Leigan fyrir 100 fermetra hús í Grindavík 62.500 á mánuði Innlent Óvinnufær eftir harkalegt fall þegar strappur slitnaði Innlent Fleiri fréttir Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Bein útsending: Kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Dregið úr hrinunni við Sýlingarfell Slapp við meiðsli á höfði og hrygg Leigan fyrir 100 fermetra hús í Grindavík 62.500 á mánuði Manni bjargað úr sjónum í nótt eftir að bátur hans sökk Um 800 börn bíða eftir leikskólaplássi í Reykjavík Sjá meira
Lagt er til að fjárheimildir verði auknar samtals um rúma 65 milljarða í nýju frumvarpi til fjáraukalaga sem dreift var á Alþingi í dag. Gert er ráð fyrir ríflega 55 milljarða aukningu vegna svokallaðra COVID-útgjalda og tæpum tíu milljörðum vegna annarra útgjalda. Samtals má rekja um það bil 93% af heildaraukningu fjárheimilda á árinu til beinna eða afleiddra áhrifa af heimsfaraldrinum. Í þessu fimmta frumvarpi til fjáraukalaga sem komið hefur til kasta alþingis á árinu munar mestu um rúma 44 milljarða króna vegna vinnumarkaðsaðgerða og þá um aukin framlög til reksturs heilbrigðisstofnana sem staðið hafa í framlínunni. Meðal þess sem lagt er til í frumvarpinu er 400 milljóna króna fjárheimild vegna kaupa á bóluefni gegn covid-19. Talið er að einstaklingar þurfi tvo skammta af bóluefninu og gera þarf því ráð fyrir að þörfin fyrir bóluefni á Íslandi, ef miðað er við að bólusetja þurfi 75% þjóðarinnar með tveimur skömmtum, sé um 550 þúsund skammtar af bóluefni, að því er lesa má úr frumvarpinu. Búist er við að hver skammtur muni kosta um fjórar evrur, eða sem nemur um það bil 645 krónum, en við það bætist flutningskostnaður og önnur gjöld. Þá er lögð til 46 milljóna króna hækkun vegna samstarfsverkefnis um lyfjakaup sem íslensk stjórnvöld hafa ákveðið að taka þátt í en verkefnið er liður í því að tryggja öllum þjóðum aðgang að bóluefni við covid-19. „Þátttaka Íslands og Noregs er liður í samstarfi Evrópuþjóða þar sem aðildarríki Evrópusambandsins og Evrópska efnahagssvæðisins leggja sitt af mörkum til að uppfylla það mikilvæga markmið að öllum þjóðum heims verði tryggður aðgangur að bóluefni, óháð efnahag. Framlag Íslands og Noregs til verkefnisins hljóðar upp á sjö milljónir Bandaríkjadala, jafnvirði 967 m.kr., sem jafngildir tveimur milljónum skammta af bóluefni,“ segir í frumvarpinu en þar af standa íslensk stjórnvöld straum af fjármögnun á hundrað þúsund skömmtum af bóluefni. Þar að auki er gert ráð fyrir 500 milljóna aukaframlagi á málasviði alþjóðlegrar þróunarsamvinnu vegna þróunar bóluefnis og jafns aðgengis ríkja óháð greiðslugetu þeirra með það að leiðarljósi að tryggja öllum jarðarbúum aðgengi að bóluefni. Þar af renna 250 milljónir til þróunar bóluefna en hinar 250 milljónirnar renna til Alþjóðaónæmisaðgerðasjóðsins sem sér um forkaupsrétt og dreifingu bóluefnis til þróunarríkja. Auknar fjárheimildir vegna ófyrirséðs kostnaðar í heilbrigðiskerfinu Alls er gert ráð fyrir að fjárheimild vegna málaflokks um sjúkrahúsþjónustu verði aukin um rúma fjóra milljarða sem að mestu leyti má rekja til ófyrirséðs kostnaðar vegna heimsfaraldurs covid-19. Má þar til að mynda nefna kostnað vegna launahækkana vegna aukins álags, bakvarðasveitar, veiruskimunarprófa og innkaupa á ýmsum búnaði og áhöldum sem og vegna framlengingar vaktaálagsauka hjúkrunarfræðinga á Landspítala. Þá er jafnframt gert ráð fyrir ríflega 1,8 milljarða aukningu fjárheimilda til málefnasviðs heilbrigðisþjónustu utan sjúkrahúsa, á það til að mynda við um heilsugæslu, sérfræðiþjónustu og hjúkrun og sjúkraflutninga. Þá má nefna að fjárheimild vegna hjúkrunar- og endurhæfingarþjónustu stendur til að hækka um 813 milljónir, meðal annars til að mæta ófyrirséðum kostnaði vegna covid-19 á hjúkrunarheimilum. RÚV fær 55 milljónir til viðbótar Gert er einnig ráð fyrir því í frumvarpinu að Ríkisútvarpið fái ríflega 55 milljóna viðbótarfjárveitingu „vegna aukins kostnaðar í tengslum við aðgerðir stjórnvalda vegna heimsfaraldursins,“ líkt og það er orðað í greinagerð með frumvarpinu. Þá er lagt til að embætti ríkislögreglustjóra fái tæpar 553 milljónir í aukið framlag til að mæta kostnaði vegna heimsfaraldursins og lögregluembætti um landið fái rúmar 155 milljónir til viðbótar svo fátt eitt sé nefnt. Meðal annarra þátta sem lagðir eru til með frumvarpinu eru hækkun fjárveitinga til Landsréttar til að mæta launakostnaði vegna setningar dómara í stað þeirra sem ekki hafa getað sinnt störfum síðan í mars í fyrra í kjölfar dóms Mannréttindadómstóls Evrópu um ólögmæta skipun dómara við réttinn.
Alþingi Ríkisstjórn Katrínar Jakobsdóttur Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Vísbending um að flutningaskip hafi hvolft bátnum Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Skipstjórinn og tveir stýrimenn handteknir vegna sjóslyssins Innlent Miklar breytingar á fylgi fyrir kappræður Stöðvar 2 í kvöld Innlent Forsetavaktin 2024: Hver verður sjöundi forseti lýðveldisins? Innlent Fékk sting í hjartað þegar hann sá nafnið á bátnum Innlent „Blaut tuska í andlit Félags eldri borgara í Reykjavík“ Innlent Skikkar lögreglu til að rannsaka stjórn aðventista Innlent Leigan fyrir 100 fermetra hús í Grindavík 62.500 á mánuði Innlent Óvinnufær eftir harkalegt fall þegar strappur slitnaði Innlent Fleiri fréttir Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Bein útsending: Kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Dregið úr hrinunni við Sýlingarfell Slapp við meiðsli á höfði og hrygg Leigan fyrir 100 fermetra hús í Grindavík 62.500 á mánuði Manni bjargað úr sjónum í nótt eftir að bátur hans sökk Um 800 börn bíða eftir leikskólaplássi í Reykjavík Sjá meira