Bílar

Nýir Peugeot bílar með sjö ára ábyrgð

Kristinn Ásgeir Gylfason skrifar
Peugeot 3008 Tengiltvinn (PHEV)
Peugeot 3008 Tengiltvinn (PHEV)

Brimborg býður nú alla nýja Peugeot bíla með víðtækri sjö ára ábyrgð auk átta ára ábyrgðar á drifrafhlöðu rafbíla, samkvæmt fréttatilkynningu frá Brimborg.

Peugeot 508 Tengiltvinn bíll (PHEV).

Nýir rafbílar og lengri ábyrgð

Árið 2020 hefur verið viðburðaríkt fyrir Peugeot á Íslandi. Tveir nýir hreinir rafbílar og einn tengiltvinn rafbíll hafa verið kynntir og nú býður Brimborg alla nýja Peugeot bíla með víðtækri sjö ára verksmiðjuábyrgð og átta ára ábyrgð á drifrafhlöðu raf- og tengiltvinn rafbíla.

Ábyrgðin gildir fyrir fólks- og atvinnubíla. Ábyrgðin er í boði á bílum keyptum af Brimborg sem koma í reglulega þjónustu skv. ferli framleiðanda í allt að sjö ár eða allt að 140 þús. km. Ávinningur af reglulegum þjónustuskoðunum og lengri verksmiðjuábyrgð er aukin gæði, meira öryggi, lægri rekstrarkostnaður, hærra endursöluvirði og hraðari endursala.

Peugeot 5008.

Forsendur ábyrgðar

Greinargóðar upplýsingar um skilmála ábyrgðar nýrra Peugeot hjá Brimborg er finna í rafrænni eigandahandbók ásamt viðauka sem söluráðgjafi fer vel yfir við afhendingu nýrrar bifreiðar til viðskiptavinar.

Við þjónustueftirlit er fylgt stöðluðu ferli framleiðanda sem tryggir að bíllinn er ávallt í topp standi. Þjónustuverkstæði Brimborgar eða aðrir viðurkenndir þjónustuaðilar Brimborgar framkvæma reglubundna þjónustu á 12 mánaða eða 15.000 km fresti hvort sem kemur á undan km. fjöldi eða tími og er þjónustueftirlitið á föstu verði.

Allir viðurkenndir þjónustuaðilar Peugeot geta annast viðgerðir sem falla undir ábyrgð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.



×