Smáskilaboð vógu þungt í nauðgunardómi sem var mildaður Tryggvi Páll Tryggvason skrifar 17. nóvember 2020 11:07 Landsréttur mildaði nauðgunardóm um þrjá mánuði vegna talsverðra tafa á málsmeðferðinni. Landsréttur hefur mildað fangelsisdóm sem karlmaður á þrítugsaldri hlaut á síðasta ári úr tveimur árum niður í 21 mánuð. Karlmaðurinn var dæmdur fyrir að hafa nauðgað vinkonu sinni. Talsverðar tafir á málsmeðferð málsins hjá ákæruvaldinu og héraðsdómi eru ástæður þessa að dómurinn var mildaður. Skilaboð sem maðurinn sendi vinkonunni daginn eftir vógu þungt í mati Landsréttar. Héraðsdómur dæmdi í málinu í febrúar árið 2019 en brotið var framið árið 2017 þegar konan var að fagna útskrift úr menntaskóla. Nauðgunin átti sér stað eftir að heim var komið en konan hafði beðið manninn um að aðstoða sig við að koma sér heim. Í kjölfarið stakk hún upp á því að hann myndi gista svo hann þyrfti ekki að koma sér heim. Jafnframt tók hún fram við skýrslutöku að hún hafi aldrei ætlað sér að gera neitt með ákærða, enda væri hún að hitta fyrrverandi kærasta sinn og þeir væru bestu vinir. Konan fór upp í rúm og sneri sér að veggnum til þess að taka sem minnst pláss svo maðurinn gæti líka farið að sofa. Hann hafi slegið hana rétt í andlitið til þess að vekja hana og spurt hvort hún væri vakandi, hún hafi umlað eitthvað og farið aftur að sofa enda verulega ölvuð, að því er fram kemur í dómi héraðsdóms. Stuttu síðar hafi hún svo rankað við sér við það að maðurinn var að hafa samfarir við hana. Hún hafi í fyrstu ekki áttað sig á því hvað væri að gerast en áttað sig á því nokkrum sekúndum síðar, ýtt honum frá og spurt hvað hann væri að gera. Maðurinn baðst þá fyrirgefningar en hún sagði honum að koma sér út. Héraðsdómi þótti sannað að maðurinn hefði haft samræði við konuna án hennar samþykkis og dæmdi manninn í tveggja ára fangelsi. Niðurstöðu héraðsdóms var áfrýjað til Landsréttar sem kvað upp dóm sinn á föstudaginn. Framburður konunnar metinn staðfastur Í dómi Landsréttar segir að þótt þau tvö séu ein til frásagnar um hvað gerðist umræddan morgun liggi fyrir framburður fimm vitna sem hittu stúlkuna skömmu eftir að atvik gerðust, báru þau öll að konan hafi verið í miklu uppnámi. Hjúkrunarfræðingur sem tók á móti stúlkunni á neyðarmóttöku Landspítalans sama morgun sagði einnig að konan hefði verið í miklu uppnámi. Þá mat Landsréttur framburð konunnar staðfastan og trúverðugan. Framburður mannsins var einnig metinn nokkuð stöðugur en í dómi Landsréttar segir að miðað við ölvunarástand konunnar hafi manninum mátt vera ljóst að konan væri ekki fær um að taka afstöðu til þess hvort hún vildi hafa samræði við hann. Leit Landsréttur einnig til þess að maðurinn sendi konunni smáskilaboð að kvöldi umrædd dags þar sem hann baðst afsökunar og sagði að sér liði hræðilega yfir því hvað hafi gerst og hvort þau gætu ekki talað um þetta. Taldi Landsréttur því sannað að maðurinn hefði nauðgað konunni. Dómur héraðsdóms var hins vegar mildaður um þrjá mánuði vegna tafa á málsmeðferð málsins. „Um þrjú og hálft ár eru liðin frá því að atvik málsins gerðust en ákærði var þá tvítugur. Rúmt ár leið frá því að rannsókn lögreglu var lokið þar til ákæra í málinu var gefin út. Þá liðu nærri sjö mánuðir frá því að ríkissaksóknari óskaði eftir dómsgerðum frá héraðsdómi þar til þær voru afgreiddar þaðan. Hafa þannig orðið tafir á málsmeðferðinni sem ákærða verður ekki um kennt,“ segir í dómi Landsréttar. Þarf maðurinn að greiða konunni 1,5 milljónir í miskabætur auk alls áfrýjunarkostnaðar málsins, 1,8 milljónir króna. Dómsmál Kynferðisofbeldi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Svakalegt að sjá fylgisaukningu Höllu Hrundar Innlent Mennirnir tóku annan starfsmannanna hálstaki Innlent Helga lenti einnig í vandræðum Innlent Harvey Weinstein lagður inn á spítala Erlent Líklegt að það styttist í brotmörk Innlent Gefur lítið fyrir útskýringar fréttastjórans Innlent Minni lyfjanotkun og meiri vellíðan í sérstöku heilabilunarþorpi Innlent Uppgangur Höllu Hrundar fari fyrir brjóstið á „valdastéttinni“ Innlent Forsetavaktin 2024: Hver verður sjöundi forseti lýðveldisins? Innlent „Það er enginn sem verndar son okkar“ Innlent Fleiri fréttir Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Tíu kílómetrar eftir af hundrað: Gangan miklu erfiðari en hann óraði fyrir 800 milljóna króna hreinsistöð byggð á Selfossi Sveddi sagður með tengsl við ítölsku mafíuna Vara við því að fara gangandi að gosinu Kastaði glerflösku í höfuð manns og gisti í fangaklefa „Það er enginn sem verndar son okkar“ Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Landsréttur komi fram við ákæruvaldið eins og lítið barn Mannasættir sem óttist ekki að standa í fæturnar Mótmælendur fengu óvæntan liðstyrk frá Hollywood Sjá meira
Landsréttur hefur mildað fangelsisdóm sem karlmaður á þrítugsaldri hlaut á síðasta ári úr tveimur árum niður í 21 mánuð. Karlmaðurinn var dæmdur fyrir að hafa nauðgað vinkonu sinni. Talsverðar tafir á málsmeðferð málsins hjá ákæruvaldinu og héraðsdómi eru ástæður þessa að dómurinn var mildaður. Skilaboð sem maðurinn sendi vinkonunni daginn eftir vógu þungt í mati Landsréttar. Héraðsdómur dæmdi í málinu í febrúar árið 2019 en brotið var framið árið 2017 þegar konan var að fagna útskrift úr menntaskóla. Nauðgunin átti sér stað eftir að heim var komið en konan hafði beðið manninn um að aðstoða sig við að koma sér heim. Í kjölfarið stakk hún upp á því að hann myndi gista svo hann þyrfti ekki að koma sér heim. Jafnframt tók hún fram við skýrslutöku að hún hafi aldrei ætlað sér að gera neitt með ákærða, enda væri hún að hitta fyrrverandi kærasta sinn og þeir væru bestu vinir. Konan fór upp í rúm og sneri sér að veggnum til þess að taka sem minnst pláss svo maðurinn gæti líka farið að sofa. Hann hafi slegið hana rétt í andlitið til þess að vekja hana og spurt hvort hún væri vakandi, hún hafi umlað eitthvað og farið aftur að sofa enda verulega ölvuð, að því er fram kemur í dómi héraðsdóms. Stuttu síðar hafi hún svo rankað við sér við það að maðurinn var að hafa samfarir við hana. Hún hafi í fyrstu ekki áttað sig á því hvað væri að gerast en áttað sig á því nokkrum sekúndum síðar, ýtt honum frá og spurt hvað hann væri að gera. Maðurinn baðst þá fyrirgefningar en hún sagði honum að koma sér út. Héraðsdómi þótti sannað að maðurinn hefði haft samræði við konuna án hennar samþykkis og dæmdi manninn í tveggja ára fangelsi. Niðurstöðu héraðsdóms var áfrýjað til Landsréttar sem kvað upp dóm sinn á föstudaginn. Framburður konunnar metinn staðfastur Í dómi Landsréttar segir að þótt þau tvö séu ein til frásagnar um hvað gerðist umræddan morgun liggi fyrir framburður fimm vitna sem hittu stúlkuna skömmu eftir að atvik gerðust, báru þau öll að konan hafi verið í miklu uppnámi. Hjúkrunarfræðingur sem tók á móti stúlkunni á neyðarmóttöku Landspítalans sama morgun sagði einnig að konan hefði verið í miklu uppnámi. Þá mat Landsréttur framburð konunnar staðfastan og trúverðugan. Framburður mannsins var einnig metinn nokkuð stöðugur en í dómi Landsréttar segir að miðað við ölvunarástand konunnar hafi manninum mátt vera ljóst að konan væri ekki fær um að taka afstöðu til þess hvort hún vildi hafa samræði við hann. Leit Landsréttur einnig til þess að maðurinn sendi konunni smáskilaboð að kvöldi umrædd dags þar sem hann baðst afsökunar og sagði að sér liði hræðilega yfir því hvað hafi gerst og hvort þau gætu ekki talað um þetta. Taldi Landsréttur því sannað að maðurinn hefði nauðgað konunni. Dómur héraðsdóms var hins vegar mildaður um þrjá mánuði vegna tafa á málsmeðferð málsins. „Um þrjú og hálft ár eru liðin frá því að atvik málsins gerðust en ákærði var þá tvítugur. Rúmt ár leið frá því að rannsókn lögreglu var lokið þar til ákæra í málinu var gefin út. Þá liðu nærri sjö mánuðir frá því að ríkissaksóknari óskaði eftir dómsgerðum frá héraðsdómi þar til þær voru afgreiddar þaðan. Hafa þannig orðið tafir á málsmeðferðinni sem ákærða verður ekki um kennt,“ segir í dómi Landsréttar. Þarf maðurinn að greiða konunni 1,5 milljónir í miskabætur auk alls áfrýjunarkostnaðar málsins, 1,8 milljónir króna.
Dómsmál Kynferðisofbeldi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Svakalegt að sjá fylgisaukningu Höllu Hrundar Innlent Mennirnir tóku annan starfsmannanna hálstaki Innlent Helga lenti einnig í vandræðum Innlent Harvey Weinstein lagður inn á spítala Erlent Líklegt að það styttist í brotmörk Innlent Gefur lítið fyrir útskýringar fréttastjórans Innlent Minni lyfjanotkun og meiri vellíðan í sérstöku heilabilunarþorpi Innlent Uppgangur Höllu Hrundar fari fyrir brjóstið á „valdastéttinni“ Innlent Forsetavaktin 2024: Hver verður sjöundi forseti lýðveldisins? Innlent „Það er enginn sem verndar son okkar“ Innlent Fleiri fréttir Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Tíu kílómetrar eftir af hundrað: Gangan miklu erfiðari en hann óraði fyrir 800 milljóna króna hreinsistöð byggð á Selfossi Sveddi sagður með tengsl við ítölsku mafíuna Vara við því að fara gangandi að gosinu Kastaði glerflösku í höfuð manns og gisti í fangaklefa „Það er enginn sem verndar son okkar“ Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Landsréttur komi fram við ákæruvaldið eins og lítið barn Mannasættir sem óttist ekki að standa í fæturnar Mótmælendur fengu óvæntan liðstyrk frá Hollywood Sjá meira