Innlent

Sjö hand­teknir grunaðir um um­fangs­mikil fjár­svik og peninga­fölsun

Kristín Ólafsdóttir skrifar
Allir sjö voru færðir til yfirheyrslu.
Allir sjö voru færðir til yfirheyrslu. Vísir/vilhelm

Lögreglan á höfuðborgarsvæðinu hefur nú til rannsóknar umfangsmikið mál sem snýr að meintum fjársvikum og peningafölsun. Sjö erlendir ríkisborgarar voru handteknir vegna þessa í umdæminu í síðustu viku og færðir til yfirheyrslu. Talið er að um skipulagða brotastarfsemi sé að ræða. Þetta kemur fram í tilkynningu frá lögreglunni á höfuðborgarsvæðinu.

Í tilkynningu segir að nokkrir til viðbótar hafi verið yfirheyrðir í tengslum við málið, auk þess sem lögregla hafi ráðist í tvær húsleitir í þágu rannsóknarinnar. 

Grunur sé um að hópurinn hafi framvísað fölsuðum peningaseðlum í allmörg skipti og einnig svikið út peninga með því að komast yfir greiðslukort og PIN-númer hjá viðskiptavinum öldurhúsa. 

„Lögreglan hvetur því fólk til að gæta að sér þegar PIN-númer eru slegin inn og eins að upplýsingar um PIN-númer séu ekki geymdar með greiðslukortum. Og sömuleiðis að starfsfólk við afgreiðslukassa sé á varðbergi vegna falsaðra peningaseðla,“ segir í tilkynningu lögreglu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.