Herdís ráðin forstjóri Valitor

Kolbeinn Tumi Daðason skrifar 9. nóvember 2020 13:24

Herdís Fjeldsted hefur gegnt stöðunni frá mars.

Herdís Fjeldsted hefur verið ráðin forstjóri Valitor og mun ekki taka þátt í störfum stjórnar Arion banka að svo stöddu. Þetta kemur fram í tilkynningu frá bankanum.

Herdís Fjeldsted sem tók í marsmánuði tímabundið við við starfi forstjóra Valitor hefur verið ráðin í starfið ótímabundið. Herdís tók við starfinu af Viðari Þorkelssyni sem hætti störfum eftir áratug í starfi.

Herdís, sem jafnframt er varaformaður stjórnar Arion banka, mun að svo stöddu ekki taka þátt í störfum stjórnar bankans, segir í tilkynningunni.

Starfsmönnum Valitor fækkaði um sextíu í upphafi árs en um fjöldauppsögn var að ræða til að snúa við viðvarandi taprekstri félagsins árin á undan, að því er fram kom í tilkynningu í mars.

Vistaskipti Íslenskir bankar Greiðslumiðlun

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.