Viðskipti innlent

Verðbólgan eykst enn

Sunna Kristín Hilmarsdóttir skrifar
Verð á mat og drykkjavörum hækkaði um 1,0% á milli mánaða.
Verð á mat og drykkjavörum hækkaði um 1,0% á milli mánaða. Vísir/Vilhelm

Verðbólga mæld á tólf mánaða tímabili er 3,6% samkvæmt nýjum útreikningum Hagstofu Íslands.

Verðbólgan hefur ekki mælst meiri í sautján mánuði eða frá því í maí 2019 þegar hún mældist einnig 3,6% á tólf mánaða tímabili.

Í tilkynningu á vef Hagstofunnar segir að vísitala neysluverðs, miðuð við verðlag í október 2020, er 489,1 stig (maí 1988=100) og hækkar um 0,43% frá fyrri mánuði. Vísitala neysluverðs án húsnæðis er 419,3 stig og hækkar um 0,43% frá september 2020.

Þá hækkaði verð á mat og drykkjavörum hækkaði um 1,0% (áhrif á vísitöluna 0,15%) og kostnaður vegna búsetu í eigin húsnæði (reiknuð húsaleiga) hækkaði um 0,6% (0,09%).

Síðastliðna tólf mánuði hefur vísitala neysluverðs því hækkað um 3,6% og vísitala neysluverðs án húsnæðis um 4,1%.

Vísitala neysluverðs samkvæmt útreikningi í október 2020, sem er 489,1 stig, gildir til verðtryggingar í desember 2020. Vísitala fyrir eldri fjárskuldbindingar, sem breytast eftir lánskjaravísitölu, er 9.657 stig fyrir desember 2020.

Efnahagsmál Neytendur


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið