Fótbolti

Dortmund og Bayern með sigra

Ísak Hallmundarson skrifar
Thomas Muller fagnar einu af mörkum sínum í dag.
Thomas Muller fagnar einu af mörkum sínum í dag. getty/Sascha Steinbach

Borussia Dortmund og Bayern Munchen unnu góða útisigra í þýsku úrvalsdeildinni í dag.

Dortmund fór í heimsókn til Hoffenheim þar sem niðurstaðan í leiknum var 1-0 sigur Dortmund. Marco Reus gerði sigurmarkið á 76. mínútu eftir stoðsendingu frá Erling Haaland.

Bayern mætti nýliðunum í Arminia Bielefeld og voru það Thomas Muller og Robert Lewandowski sem sáu um markaskorun Bayern í 4-1 sigri. Muller kom meisturunum yfir strax á 8. mínútu áður en Lewandowski bætti við tveimur mörkum fyrir Bayern og staðan 3-0 í hálfleik. 

Muller var svo aftur á ferðinni á 51. mínútu þegar hann skoraði annað mark sitt og fjórða mark Bæjara, í þetta sinn eftir stoðsendingu frá Lewandowski. Ritsu Doan minnkaði muninn fyrir nýliðana á 58. mínútu og meira var ekki skorað. Corentin Tolisso í liði Bayern fékk að líta beint rautt spjald á 76. mínútu en það kom ekki að sök, lokatölur 4-1 sigur Bayern Munchen.

Staðan í deildinni er þannig að Bayern og Dortmund eru jöfn að stigum með níu stig í 2. - 3. sæti eftir fjórar umferðir en Bayern er með töluvert betri markatölu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.