Skriður geta fallið í og við skriðusárið næstu klukkutímana

Margrét Helga Erlingsdóttir skrifar 6. október 2020 17:29

Aurskriðan stöðvaðist við bæjarhól skammt frá íbúðarhúsinu á Gilsá II. Sérfræðingar Veðurstofunnar mættu á vettvang til að meta umfang aurskriðunnar. Vísir/Tryggvi

Stærðarinnar aurskriða sem féll rétt fyrir klukkan 11 í morgun ofan við Gilsá í Eyjafirði er talin vera um 200 m breið. Úthlaupslengdin talin tæpir 1700 m og fallhæðin um 700 m.

Sérfræðingar Veðurstofu Íslands fóru á vettvang skriðunnar í Eyjafirði í dag til að meta umfang hennar.

Ekki var þó talið óhætt að fara of nálægt skriðunni í ljósi þess að enn er töluverð hreyfing í hlíðunum og því hafa ekki verið gerðar nákvæmar mælingar á skriðunni.

Skriðan er ekki talin vera vísbending um aukna skriðhættu á svæðinu en skriður geta fallið í og við skriðusárið næstu klukkutímana og jafnvel daga.

Sérfræðingar frá Veðurstofunni munu snúa aftur á vettvang á morgun til að safna frekari gögnum.

Almannavarnir Eyjafjarðarsveit Veður

Tengdar fréttir

„Svakalegar drunur“

Stærðarinnar aurskriða féll í Eyjafirði á ellefta tímanum í morgun. Skriðan féll sitt hvoru megin við bæinn Gilsá 2 en þar býr þó enginn. Bóndinn á næsta bæ lýsir gífurlegum drunum og hávaða. Veðurstofa Íslands er að senda fólk á svæðið til að meta umfangið.

6. október 2020 12:20

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.