Innlent

59 greindust innan­­lands og fimm­tán á sjúkra­húsi

Atli Ísleifsson skrifar
Fjöldi þeirra sem hafa smitast af kórónuveirunni á Íslandi frá upphafi faraldursins er nú um þrjú þúsund.
Fjöldi þeirra sem hafa smitast af kórónuveirunni á Íslandi frá upphafi faraldursins er nú um þrjú þúsund. Vísir/Vilhelm

59 greindust með kórónuveiruna innanlands í gær. 34 þeirra sem greindust voru í sóttkví við greiningu, 25 ekki. Alls eru fimmtán nú á sjúkrahúsi vegna Covid-19, þar af þrír á gjörgæslu.

Þetta kemur fram í uppfærðum tölum á vefnum covid.is. Sex smit greindust á landamærum, þar af eitt virkt auk þess að beðið er niðurstöðu mótefnamælingar í tilvikum fimm.

670 manns eru nú í einangrun, samanborið við 634 í gær. Þá eru 2.391 í sóttkví í dag, samanborið við 2.554 í gær.

Af þeim 59 sem greindust innanlands í gær greindust 55 eftir að tekin voru svokölluð einkennasýni og fjórir við sóttkvíar- og handahófsskimun.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 156,3 en var 148,4 í gær. Þá er nýgengi landamærasmita nú 7,1, en var 7,4 í gær.

Nú hafa 2.980 manns greinst smitaðir af kórónuveiru á Íslandi frá upphafi faraldursins. Tíu þeirra sem hafa veikst af Covid-19 eru látnir.

Alls voru tekin 928 einkennasýni hjá sýkla- og veirufræðideild Landspítalans og Íslenskri erfðagreiningu í gær og 912 sýni á landamærunum eða í seinni landamæraskimun. Þá voru 158 sýni tekin við sóttkvíar- og handahófsskimun.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.