Fylkir marði Þór í hnífjöfnum leik

Tíunda umferð Vodafonedeildarinnar í CS:GO fór fram í kvöld. Millileikur kvöldsins var Fylkir gegn Þór. Lið Fylkis var á heimavelli og völdu þeir kortið Nuke.

Leikmenn Þórs hófu leikinn með kröftugum sóknarleik á heimavelli Fylkis. Hraðar leikfléttur í fyrstu lotunum skiluðu liði Þórs þremur fyrstu lotunum og góðu forskoti. En eftir góðan upphafssprett gekk leikmönnum Þórs illa að brjóta aftur vörn Fylkis. Þegar efnahagurinn styrktist fór vörn Fylkis að taka á sig form. Með hverri lotunni sem leið þéttist vörn þeirra og kom mikil breidd liðsins vel í ljós.

Staðan í hálfleik Fylkir 10 - 5 Þór.

Þórsarar snéru aftur tvíefldir í seinni hálfleik. Aftur hófu þeir leikhlutann vel og lotu eftir lotu lokuðu þeir á sóknarleiki Fylkis. Leikmaður Þórs ADHD (Kristófer Daði Kristjánsson) var stórhættulegur og ReaN (Andri Þór Bjarnasson) lék á als oddi. Þeim gekk vel að koma Þór í yfirtölu og að tjasla vörninni saman þegar þess var þörf. Með frábærum varnarleik lotu eftir lotu náði lið Þórs yfirhöndinni í leiknum og staðan var 13 - 11 fyrir Þór.

Lið Fylkis sem þarna var komið hælanna steig þó upp með viruz (Magnús Árni Magnússon) í fararbroddi. Þeir hægðu töluvert á leiknum og fóru að reiða sig betur á fasta leikþætti til að ná yfirhöndinni. Þegar allt kom til alls var þetta gífurlega skynsamleg ákvörðun sem skilað Fylki sigrinum í hnífjöfnum leik.

Lokastaðan Fylkir 16 - 14 Þór.