39 greindust innanlands

Atli Ísleifsson skrifar 28. september 2020 11:04

Á fimmta hundrað manns eru nú í einangrun. Vísir/Vilhelm

39 greindust með kórónuveiruna innanlands í gær. 34 þeirra sem greindust voru í sóttkví við greiningu.

Þetta kemur fram í uppfærðum tölum á vefnum covid.is. Alls eru fimm nú á sjúkrahúsi vegna Covid-19, þar af einn er á gjörgæslu.

Fjögur smit greindust á landamærum þar sem niðurstöðu mótefnamælingar er beðið.

492 manns eru nú í einangrun, samanborið við 455 í gær. Þá eru 1.897 í sóttkví í dag, samanborið við 1.895 í gær.

Af þeim 39 sem greindust innanlands var um 33 einkennasýni að ræða og sex við sóttkvíar- og handahófsskimun.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur er nú 128,2 en var 118,1 í gær. Þá er nýgengi landamærasmita nú 6,5, en var 6,3 í gær.

Nú hafa 2.623 manns greinst smitaðir af kórónuveiru frá upphafi faraldursins. Tíu þeirra sem hafa veikst af Covid-19 eru látnir.

Alls voru tekin 602 einkennasýni hjá sýkla- og veirufræðideild Landspítalans og Íslenskri erfðagreiningu í gær og 629 sýni á landamærunum eða í seinni landamæraskimunþ Þá voru 154 sýni tekin við sóttkvítar- og handahófsskimun.

Fréttin hefur verið uppfærð.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.