Veiði

Fleiri lokatölur í nýjum vikulegum veiðitölum

Karl Lúðvíksson skrifar
Laxatorfa

Veiði er óðum að ljúka í flestum náttúrulegu laxveiðiánum og lokatölur eru að detta inn þessa dagana.

Landssamband Veiðifélaga uppfærði vikulegan lista í gærkvöldi og það er lítið sem kemur þar á óvart. Eystri Rangá er komin í 8.130 laxa eftir líklega rólegustu viku sumarsins en aðstæður tilveiða suma dagana í vikunni voru mjög erfiðar. Engu að síður komu 114 laxar á land sem verður bara að teljast gott. Ytri Rangá er með 2.461 lax í öðru sæti listans og Miðfjarðará toppar aðrar sjálfbærar ár og er með 1.705 laxa í þriðja sætinu. 

Lokatölur bættust við úr Haffjarðará með 1.126 laxa, Norðurá með 979 laxa, Laxá á Ásum 675 laxar og Laxá í Aðaldal með 382 laxa sem er lélegasta veiði í ánni frá upphafi samantektar á veiðitölum frá 1974. Það er alveg ljóst að það er eitthvað mikið að í dalnum.

Veiði er ekki lokið í hafbeitaránum Eystri Rangá, Ytri Rangá, Affalli og Þverá í Fljótshlíð og verður veitt í þeim í tæpar fjórar vikur í viðbót en þessir síðustu dagar í þessum ám eru oft drjúgir ef veiðimenn eru heppnir með veður. Listann í heild sinni má finna á www.angling.is



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.