Sport

Segir að Katrín Tanja sé með hjarta úr gulli

Óskar Ófeigur Jónsson skrifar
Katrín Tanja Davíðsdóttir birti þessa mynd af sér á Instagram en hún er tekin eftir eina æfiinguna um helgina.
Katrín Tanja Davíðsdóttir birti þessa mynd af sér á Instagram en hún er tekin eftir eina æfiinguna um helgina. Mynd/Instagram

Katrín Tanja Davíðsdóttir er komin í úrslit á heimsleikunum eftir frábæra frammistöðu um síðustu helgi. Æfingafélagi hennar Tori Dyson málar mjög fallega mynd af íslensku stórstjörnunni sem fær mikið hrós frá henni fyrir að hugsa vel um fólkið í kringum sig.

Katrín Tanja Davíðsdóttir er tvöfaldur heimsmeistari og ein allra stærsta stjarnan í sögu CrossFit íþróttarinnar. Það er hins vegar ekki hægt að finna hjá henni neina stjörnustæla sem sést vel á miklu hrósi sem hún fær frá CrossFit konu sem eyddi miklum tíma með henni í undirbúningi heimsleikanna.

Katrín Tanja Davíðsdóttir hefur þurft að vera án fjölskyldu sinnar síðan í janúar en hún hefur líka myndað sterk tengsl út í Bandaríkjunum. Þetta sést vel á þeim fallegu oðrum sem æfingafélagi hennar Tori Dyson skrifaði um Katrínu Tönju á samfélagsmiðlum.

„Kat er þekkt fyrir að vera tvöfaldur heimsmeistari og hún er líka nýorðin fjórða hraustasta CrossFit kona heims en hér á bæ er hún svo miklu meira en það,“ skrifaði Tori Dyson á Instagram-síðu sína.

„Ég held því fram að hennar ofurkraftur er að láta alla í kringum hans finnast þeir vera mikilvægir,“ skrifaði Tori Dyson.

„Henni tekst að vera í fullu sambandi við fjölskyldu og vini út um allan heim og jafnvel þó að það séu mánuðir síðan hún sá þau síðast,“ skrifaði Dyson en það má sjá pistil hennar hér fyrir neðan.

View this post on Instagram

I truly believe that life is all about the little things because those little things are what lead us to the big things. While Kat may be known for being 2 Time Fittest Woman on Earth, and Current 4th Fittest Woman on Earth, she is SO much more than that around here...I swear her superpower is making everyone around her feel important. She manages to stay fully connected with her family and friends across the world even when it s been months since she s last seen them. She doesn t put herself above ANYONE and believes in the people around her as much, if not more, than herself. She wakes up everyday and figures out how to make each day better than the last and brings us all on the ride. She searches for the good in every situation (yes...both good & bad). She gets excited when she knows she has room to grow and believes that if someone else can do something, so can she. She is the hardest worker in the room but is always down for an impromptu dance party in between sets. She says WE did this or WE are ready or WE won instead of I. She s an incredible friend, family member, athlete, and all around human being. She s truly got a heart of gold and for that, she deserves the world. So while the big things are amazing, we have learned that the little things are what lead us to the places we are meant to be. Congratulations to my girl. Here s to FOUR MORE WEEKS of training & GAMES TRAINING PT. 2 #TOP5 @katrintanja

A post shared by Tori Dyson (@toridysonnn) on

„Hún setur sjálfa sig aldrei ofar öðrum og trúir á fólkið í kringum hana jafnvel meira en sig sjálfa. Hún vaknar á hverjum degi og finnur leiðir til að gera daginn í dag betri en gærdaginn. Við fáum að fylgja henni í þessu ferðalagi,“ skrifaði Tori Dyson.

„Hún leitar að því góða í öllum aðstæðum og verður mjög spennt þegar hún veit um eitthvað þar sem hún getur bætt sig í. Hún trúir því líka að ef einhvern annar getur gert þetta þá getur hún það líka. Það er enginn sem leggur meira á sig en hún er líka alltaf til í að taka þátt í léttu danspartý á milli æfinga,“ skrifaði Tori Dyson.

„Hún segir við gerðum þetta, við erum tilbúin eða við unnum en aldrei ég. Hún er ótrúlegur vinur, fjölskyldumeðlimur og um fram allt góð manneskja. Hún er með hjarta úr gulli og fyrir það á hún skilið að eignast allan heiminn,“ skrifaði Tori Dyson og óskaði Katrínu til hamingju með árangurinn um leið og hún hvatti hana áfram í æfingatörninni sem er nú fram undan.

Ofurúrslit heimsleikanna hefjast eftir aðeins fjórar vikur og Katrín Tanja ætlar að gefa allt sitt í æfingarnar næstu vikurnar. Katrín Tanja og Tori Dyson hófu æfingar í gær eins og sjá má hér fyrir neðan.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.