Íslenska liðið mun krjúpa fyrir stórleik dagsins

Leikmenn íslenska landsliðsins í knattspyrnu munu krjúpa á vellinum fyrir leik Íslands og Englands í Þjóðadeildinni í dag. Þetta staðfesti KSÍ í samtali við Vísi fyrir leik.

Hugmyndin kemur frá Englendingum en þar ákváðu leikmenn liðsins að þeir myndu krjúpa fyrir leikinn til að styðja við Svört Líf Skipta Máli [e. Black Lives Matter] hreyfinguna. Krupu nær allir leikmenn ensku úrvalsdeildarinnar eftir að hún fór aftur af stað eftir að hafa verið sett tímabundið á ís vegna kórónufaraldursins.

Íslenska liðið hefur ákveðið að standa með kollegum sínum í enska liðinu ásamt því að sýna stuðning í verki. Því munu allir 22 leikmenn landanna sem hefja leik síðar í dag krjúpa áður en leikur hefst.

Leikur Íslands og Englands hefst klukkan 16:00 og verður í beinni útsendingu Stöðvar 2 Sport.