Flott bleikjuveiði í Köldukvísl í gær

Inná hálendi landsins eru fjölmargar veiðiperlur sem ekki allir þekkja en klárlega á sumri þar sem allir ferðast innanlands er kjörið tækifæri til að kynnast nýjum veiðistöðum.

Kaldakvísl er þó ekkert óþekkt en hún á sér nokkurn hóp aðdáenda engu að síður sem þekkja orðið ansi vel hversu gjöful hún getur verið á góðum degi. Veiði íhenni hefst í maí en hún var ekki mikið veidd fyrr un fyrstu dagana í júní sökum þess að slóðinn niður að ánni var ófær. Hann er nú loksins orðinn góður og fær jeppum. Það var góður hópur að veiða við ánna í gær í frábærum skilyrðum og veiðitölurnar eftir því. Þrátt fyrir að aðeins um tveir þriðju af veiðitímanum hafi verið nýttur var um 70 bleikjum landað á fjórar stangir yfir daginn og takan oft á tíðum frábær.

Mest er að veiðast af bleikju sem er 1-3 punda en inná milli voru nokkrar um og yfir 50 sm og það sáust nokkrar vænni en það synda á neðsta veiðistaðnum. Í tvígang var sett í stærðarbleikjur á veiðistað ofar í ánni sem í bæði skiptin sleit 8 punda taum með lítilli fyrirhöfn. Öllum fiski er sleppt.