Veiði

Góð veiði í Laxá í Mý

Karl Lúðvíksson skrifar
Hafþór með flottann urriða úr Laxá
Hafþór með flottann urriða úr Laxá Mynd. Bjarni Júlíusson
Fyrsta hollið í Laxá í Mý sem er nú við veiðar hefur verið að gera fína veiði í þessu fyrsta holli sumarsins og frábær skot á sumum veiðistöðum hafa heldur betur glatt veiðimenn.



Bjarni Júlíusson er þar ásamt sonum sínum og fríðu föruneyti annara veiðimanna og telst honum til að hollið sé líklega í dag komið í um eða yfir 200 fiska. "Það hefur verið mikið líf fyrir landi Geirastaða og þar hefur skurðurinn gefið vel og helst á létta streamera eins og Rektir" sagði Bjarni Júlíusson í samtali við Veiðivísi í morgun. "En það hafa aðrir staðir líka verið mjög góðir en þar má nefna Hólsnef, Brunnhellishró, Hellisvað og Efra Vað" bætti Bjarni við.



Það ber þó helst til tíðinda að besta veiðin er á efri svæðunum en rólegra á þeim neðri. Veður hefur verið gott um helgina og veiðimönnum afar hagstætt. Það er eins og víðar á urriðaslóðum þar sem slepingar á veiddum fiski hafa aukist að sífellt fleiri stórir urriðar eru að veiðast veiðimönnum til mikillar ánægju. Það verður spennandi að fylgjast með Laxá í Mý og Laxárdalnum næstu daga enda er eins og venjulega vel selt í þetta svæði.

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.