Veiði

Bleikjuveiðin fer rólega af stað

Karl Lúðvíksson skrifar
Það er vonandi gott veiðisumar framundan
Það er vonandi gott veiðisumar framundan

Þetta er búið að vera heldur kalt vor en sem betur fer ef veðurspá dagsins og morgundagsins er skoðuð er klárt mál að sumarið er loksins á leiðinni.

Veiðimenn eru búnir að vera duglegir í þeirri veiði sem hefur verið í boði frá 1. apríl en framundan er einnig afskaplega skemmtilegur tími en það er tími bleikjunar. Það eru nokkur veiðisvæði sem eru mjög vinsæl þar sem bleikja veiðist oft vel og má þar til dæmis nefna Brúará, Sogið, Hólaá, Litlaá og svo auðvitað allar árnar í Eyjafirðinum en það er engin leið að telja upp alla þá veiðimöguleika sem við eigum í skemmtilegri bleikjuveiði. Það sem við bíðum eftir eru fyrstu góðu göngurnar af sjóbleikju en hún byrjar yfirleitt að kíkja upp í árnar í júní en það fer mikið eftir hitastiginu í ánum hvenær það byrjar og af hve miklum krafti. Það eru líklega flestir veiðimenn sammála um að betri matfisk en sjóbleikju en erfitt að finna.

Enn sem komið er er veiðin róleg en stígandi og það besta er að hún á bara eftir að aukast. Í upptalningunni hér að ofan nefndi ég ekki vötn enda er sá listi líklega svo langur að það verður greinarhöfundi að dagsverki að setja það allt saman niður. Núna með hlýrri dögum fara vötnin að taka vel við sér, flugan fer á stjá og það er sannarlega frábær tími framundan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.