Veiði

Bleikjan á hálendinu að vakna

Karl Lúðvíksson skrifar
Veiðin hefst í Tungná þann 15. maí
Veiðin hefst í Tungná þann 15. maí Mynd: Fish Partner

Það er mikil lífsgæði fólgin í því að geta ekið í tvo til þrjá tíma inná hálendið á Íslandi og veitt í því ógurlega fallega landslagi sem þar skreytir umhverfið.

Það styttist hratt í að hálendisveiðin fari í gang en fyrstu svæðin til að mynda Tungná opnar formlega 15. maí. Leigutakar svæðisins fóru í tilraunaferð í gær til að kanna aðstæður og sjá hvort fiskurinn væri kominn á ról og það er óhætt að segja að svarið við því hafi verið já. Á stuttum tíma lönduðu þeir Kristján Páll og Sindri 17 vænum bleikjum sem öllum var sleppt aftur að lokinni viðureign. Það er því efni til að hlakka til þegar svæðin opna en þau svæði sem Fish Partner hafa á sínum snærum á hálendi Íslands eru með þeim gjöfulli sem finnast. Þar má nefna Tungná, Köldukvísl, Sporðöldulón, Blöndukvíslar, Efri hluti Norðlingafljóts, Fellsendavatn, Sporðöldulón og Kvíslarveita. Lausa daga má finna á vef Fish Partner.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.