Veiði

Laxar að sýna sig í Laxá í Leirársveit

Karl Lúðvíksson skrifar
Fyrstu laxarnir eru mættir í Laxá í Leirársveit
Fyrstu laxarnir eru mættir í Laxá í Leirársveit Mynd: wwwlaxaleir.is

Það er að styttast óðum í fyrsta dag laxveiðitímabilsins á þessu ári og veiðimenn farnir að telja niður dagana í fyrstu köstinn fyrir þann silfraða.

Við vorum að fá fyrstu fréttir af löxum sem voru að sýna sig í Laxá í Leirársveit en Vignir Ragnarsson sem hefur fylgst með ánni í 30 ár stoppaði þar seinni partinn í dag og sá greinilega í það minnsta 10 laxa í fossinum og niður undur brú við þjóðveg var greinilega smá torfa að dóla í aðfallinu. "Það voru laxar að stökkva í fossinum og torfan sem var á sveimi við brúnna var mjög greinileg. Ég hef aldei sér laxinn svona snemma á ferðinni í ánni í þau 30 ár sem ég hef fylgst með henni" sagði Vignir í samtali við Veiðivísi. 

Miðað við þetta mega veiðimenn sem eiga leið um árnar næstu daga kannski fara að kíkja í neðstu veiðistaðina til að sá hvort það sé kominn lax víðar en ár eins og Laxá í Kjós eiga líka stofn sem er yfirleitt farinn að mæta um 21. maí. Veiðivísir ætlar líklega að biðja þann sem fylgist líklega mest með Laxá í Kjós, Bubba Morthens, sem býr stutt frá ánni að kíkja í Laxfoss og Kvíslafoss og sjá hvort það sé ekki kominn lax í Kjósina líka. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.