Veiði

Breyttar veiðireglur í Soginu Ásgarði

Karl Lúðvíksson skrifar
Flott bleikja úr Ásgarði í Soginu
Flott bleikja úr Ásgarði í Soginu Mynd: www.lax-a.is

Sogið er eitt af þeim veiðisvæðum sem hefur átt á brattan að sækja undanfarin ár en veiðireglum hefur verið breytt undanfarið til að vernda stofna Sogsins.

Bleikjuveiðin í Soginu var fyrir mörgum árum oft ansi mikil en hefur undanfarin ár verið að minnka. Þær skemmtilegu fréttir hafa aftur á móti verið að berast af ársvæði þeirra Lax-Á manna við Ásgarð að bleikjuveiðin hefur verið mun betri en undanfarin ár sem er mikið gleðiefni því Sogið er magnað svæði til að eltast við silung.

Lax-Á hefur tekið þá ákvörðun að breyta veiðireglum en frekar til að vernda og styrkja stofn bleikjustofn Sogsins og því fagna líklega flestir enda er þarna verið að stíga mjög þarft skref til verndar bleikjunni. Hér er tilkynning frá af vef Lax-Á:

"Að gefnu tilefni höfum við ákveðið að breyta veiðireglum í silungsveiðinni í Ásgarði og verður svæðið hér eftir veiða og sleppa eingöngu.

Við vorum með hóflegan kvóta upp á eina bleikju á stöng á dag en því miður var það ekki nóg fyrir suma. Bleikjustofninn í ánni hefur verið á undanhaldi og því stígum við þetta skref til að reyna að leggja okkar að mörkum til uppbyggingar. Þeir sem hafa keypt leyfi og sætta sig illa við nýjar reglur geta fengið endurgreitt.


Annars hefur veiðin í Ásgarði í vor verið hreint stórkostleg og vel á annað hundrað silungar veiddir. Göngum vel um ána svo að við getum áfram haft gaman við veiðarnar."



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.