Veiði

Villingavatn að vakna til lífsins

Karl Lúðvíksson skrifar
Kristján með flottann urriða úr Villingavatni
Kristján með flottann urriða úr Villingavatni Mynd: Kristján Páll Rafnsson

Urriðaveiðin er að hrökkva í gang á helstu svæðum við Þingvallavatn og nú þegar loksins hlýnar þá má reikna með hækkandi veiðitölum.

Villingavatn er einn af þessum spennandi kostum þar sem stóra urriða er að finna en veiðin þar er loksins að taka við sér þrátt fyrir að það sé ennþá ís á hluta af vatninu. Þetta eru tvö svæði sem eru veidd og einn af leigutökunum, Kristján Páll Rafnsson,  tók stutt stopp þar í fyrradag og gekk bara vel. "Menn hafa verið að slíta upp væna fiska í Tjörninni síðan að ísa leysti. Og nú hefur talsvert verið af fiski á B svæðinu. Ég skrapp í gær í 2 tíma og landaði tveimur fallegum auk þess að fá nokkrar tökur. Fiskar voru aðeins að sýna sig í yfirborðinu og þar á meðal einn hvalur sem ekki vildi glepjast. Þetta er allt að fara í gang loksins eftir skítt vor" sagði Kristján í samtali við Veiðivísi. 

Félagið Fish Partner hefur auk Villingavatns svæðin Villingavatnsárós, Kaldárhöfða, Svörtukletta og Kárastaði ennan sinna banda en þetta eru allt svæði sem eru gjöful á urriða í vorveiðinni. Lausa daga má finna á www.fishpartner.is



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.