Veiði

Veiðitölur að hækka með hækkandi vatni í Stóru Laxá

Karl Lúðvíksson skrifar
Stóra Laxá er oft best siðsumars þegar rigningar byrja af alvöru.
Stóra Laxá er oft best siðsumars þegar rigningar byrja af alvöru. Mynd: Árni Baldursson

Stóra Laxá í Hreppum getur sýnt sínar bestu hliðar þegar aðalveiðitímin í flestum ánum er liðinn.

Það sem veldur þessu er að áinn lækkar oft verulega í vatni yfir hásumarið og þá bíoður laxinn færis við Iðu sem eru ármót Stóru Laxár og Hvítár. Þegar það rignir á haustinn fer þessi lax upp í ánna og oft í þannig torfum að veiðin í ánni verður ævintýri líkust. 

Þetta gæti byrjað fyrr í sumar en vant er einfladlega vegna þess að síðsumars rigningarnar eru þegar hafnar og árnar að hækka mikið í vatni. Þetta eru nákvæmlega þau skilyrði sem laxinn í Stóru Laxá bíður eftir og eftir fréttum úr ánni að dæma er hann þegar farinn að ganga upp úr Iðu. Á vatnslitlum árum gerist þetta oft bara á einni nóttu en núna í góðu vatni getur þetta dreifst yfir aðeins meiri tíma. Holl sem lauk veiðum fyrir fáum dögum tók til að mynda þrettán laxa á tveimur vöktum og veiðimenn eru að sjá töluvert af laxi á helstu stöðum en líka leggjast við nýja staði. Framundan er besti tíminn í ánni og sérstaklega á svæðum eitt og tvö en þegar vel lætur geta hollin verið að fá hátt í hundrað laxa þegar best lætur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.